ପଠାନକୋଟ,୧୦।୬: ବହୁ ଚର୍ଚ୍ଚିତ କଠୁଆ ଗଣ ବଳାତ୍କାର ଓ ହତ୍ୟା ମାମଲାରେ ୭ ଜଣଙ୍କ ମଧ୍ୟରୁ ପଠାନକୋଟ କୋର୍ଟ ୬ ଜଣଙ୍କୁ ଦୋଷୀ ସାବ୍ୟସ୍ତ କରିଛନ୍ତି। ଏମାନଙ୍କ ମଧ୍ୟରେ ରହିଛନ୍ତି ମୁଖ୍ୟ ଅଭିଯୁକ୍ତ ଗାଁ ମୁଖିଆ ସାଞ୍ଜି ରାମ, ପରଭେଶ କୁମାର, ଦୁଇ ପୋଲିସ ଅଧିକାରୀ ଦିପକ ଖଜୁରିଆ ଓ ସୁରେନ୍ଦ୍ର ବର୍ମା, ହେଡ୍ କନଷ୍ଟେବଳ ତିଲକ ରାଜ ଓ ଇନ୍ସପେକ୍ଟର ଆନନ୍ଦ ଦତ୍ତ। ଏଥିରେ ବିଶାଲଙ୍କୁ ଦୋଷମୁକ୍ତ କରାଯାଇଛି।ଅପରାହ୍ନ ୨ଟାରେ ଏମାନଙ୍କୁ ଦଣ୍ଡ ବିଧାନ କରାଯିବ। ସୂଚନାଯୋଗ୍ୟ, ଗତବର୍ଷ ଜମ୍ମୁ-କଶ୍ମୀରର ୮ ବର୍ଷର ଝିଅକୁ ଗଣ ବଳାତ୍କାର କରାଯିବା ସହ ଅତି ନିର୍ମମ ଭାବେ ହତ୍ୟା କରାଯାଇଥିଲା।