ଯୋଡ଼ା, ୨୬ା୪(ଡି.ଏନ୍.ଏ.): କେନ୍ଦୁଝର ଜିଲା ଯୋଡା ପୌରପାଳିକାର ୫ ନଂ.ଓ୍ବାର୍ଡ ଆଜାଦବସ୍ତି କ୍ଲବ ଗୃହଠାରେ ଯୋଡାର ଜଣେ କଣ୍ଠଶିଳ୍ପୀ ଶୁଭଶ୍ରୀ ଜେନାଙ୍କ ପକ୍ଷରୁ ଗରିବ ଅସହାୟ ଲୋକଙ୍କୁ ମାସ୍କ ଓ ଅତ୍ୟାବଶ୍ୟକ ରାଶନ ସାମଗ୍ରୀ ବଣ୍ଟନ କରାଯାଇଛି। ସ୍ଥାନୀୟ ଆଜାଦ ବସ୍ତି କ୍ଲବର ସଦସ୍ୟଙ୍କ ସହଯୋଗରେ ଉକ୍ତ ଓ୍ବାର୍ଡର ପ୍ରାୟ ୧୫୦ରୁ ଊର୍ଦ୍ଧ୍ୱ ଗରିବ ଅସହାୟ ଓ ଗୃହହୀନ ଲୋକଙ୍କୁ ଚାଉଳ, ଆଳୁ, ଲୁଣ, ଡାଲି, ସାବୁନ ଆଦି ଅତ୍ୟାବଶ୍ୟକ ସାମଗ୍ରୀ ସହିତ କରୋନା ଭୂତାଣୁ ସଂକ୍ରମଣରୁ ରକ୍ଷା ପାଇବା ପାଇଁ ହାତ ତିଆରି ମାସ୍କ ବଣ୍ଟନ କରାଯାଇଛି। ଏଥିରେ କଣ୍ଠଶିଳ୍ପୀ ଶୁଭଶ୍ରୀ ଜେନାଙ୍କ ସମେତ କ୍ଲବର ଜଗନ୍ନାଥ ପାଣିଗ୍ରାହୀ, ମନିନ୍ଦ୍ର ସୁନ୍ଦର ବାରିକ, ସଦସ୍ୟା ସୁଜାତା ଗୋପ୍, ଭାମାମଣୀ ଲାଗୁରିଙ୍କ ସମେତ ଜେନା ଉପସ୍ଥିତ ରହି ଏହି ବଣ୍ଟନ କାର୍ଯ୍ୟ କରିଥିଲେ।
