ଫୁଲବାଣୀ ଅଫିସ, ୧ା୬-କନ୍ଧମାଳ ଜିଲା ଫୁଲବାଣୀ କୋଭିଡ୍ ହସ୍ପିଟାଲରେ ଦୁଇ ଦିନ ପୂର୍ବରୁ ଭର୍ତ୍ତି ହୋଇଥିବା ସମସ୍ତ ୯ ଜଣ କରୋନା ଚିହ୍ନଟ ହୋଇଛନ୍ତିି। ସେମାନଙ୍କ ସ୍ବାବ୍ ନମୁନା ପଜିଟିଭ ଆସିଥିବା ସୋମବାର ଜିଲା ପ୍ରଶାସନ ପକ୍ଷରୁ ସୂଚନା ଦିଆଯାଇଛି ା ସେମାନଙ୍କ ମଧ୍ୟରୁ ୮ ତାମିଲନାଡୁରୁ ଏବଂ ଅନ୍ୟ ଜଣକ ଦିଲ୍ଲୀରୁ ଫେରିଥିଲେ। ସମସ୍ତଙ୍କୁ ଅସ୍ଥାୟୀ ସ୍ବାସ୍ଥ୍ୟକେନ୍ଦ୍ରରେ ରଖାଯାଇଥିଲା। ସମସ୍ତ ପୁରୁଷ, ସେମାନଙ୍କ ବୟସ ୧୭ ରୁ ୩୧ ମଧ୍ୟରେ ରହିଛି ା ଏହି ୯ ଜଣଙ୍କୁ ମିଶାଇ ଜିଲାରେ ମୋଟ ଆକ୍ରାନ୍ତଙ୍କ ସଂଖ୍ୟା ୨୨ରେ ପହଞ୍ଚିଛି ା ସେମାନଙ୍କ ମଧ୍ୟରୁ ୩ ସୁସ୍ଥ ହୋଇ ଫେରିଥିବା ବେଳେ ଅନ୍ୟ ୧୯ ଜଣ ଚିକିତ୍ସାଧୀନ ଅଛନ୍ତିି। ରବିବାର ସୁଦ୍ଧା ଜିଲାକୁ ଫେରିଥିବା ୪୦୮୬ ପ୍ରବାସୀଙ୍କ ମଧ୍ୟରୁ ୧୧୬୬ ଜଣ କ୍ୱାରାଣ୍ଟାଇନ୍ ଅବଧି ଶେଷ କରିବା ପରେ ସେମାନଙ୍କୁ ଘରକୁ ପଠାଇ ଦିଆଯାଇଛି। ଅନ୍ୟ ୨୯୨୦ ଜଣଙ୍କୁ ଜିଲାର ବିଭିନ୍ନ ସ୍ଥାନରେ ଖୋଲା ଯାଇଥିବା ଅସ୍ଥାୟୀ ସ୍ବାସ୍ଥ୍ୟକେନ୍ଦ୍ରରେ ରଖାଯାଇଛି। ସ୍ବାବ୍ ପରୀକ୍ଷା ପାଇଁ ଅଦ୍ୟାବଧି ପଠା ଯାଇଥିବା ୧୬୨୩ ନମୂନା ମଧ୍ୟରୁ ରବିବାର ସୁଦ୍ଧା ୧୪୦୩ ରିପୋର୍ଟ ହସ୍ତଗତ ହୋଇଛି। ସେଥିମଧ୍ୟରୁ ୨୨ଜଣ ପଜିଟିଭ୍ ଥିବା ବେଳେ ୧୩୮୧ ନେଗେଟିଭ୍ ବୋଲି ସ୍ବାସ୍ଥ୍ୟ ବିଭାଗ ପ୍ରକାଶ କରିଛି ା
