ଫୁଲବାଣୀ ଅଫିସ/ଫିରିଙ୍ଗିଆ,୧୯ା୧୦-କନ୍ଧମାଳ ଜିଲା ଗସ୍ତରେ କେନ୍ଦ୍ରର ଏକ ୮ ଜଣିଆ ଟିମ୍ ଆସି ଶୁକ୍ରବାର ପହଞ୍ଚତ୍ଛନ୍ତି। ଏହି ଟିମ୍ ୪ ଦିନଧରି ଜିଲାର ବାଲିଗୁଡ଼ା, ତୁମୁଡ଼ିବନ୍ଧ, ବାରଖମା, ଟିକାବାଲି, ଜି.ଉଦୟଗିରି, ଗୋଚ୍ଛାପଡ଼ା, ଦାରିଙ୍ଗବାଡ଼ି ଓ ସିମନବାଡ଼ି ଆଦି ଅଞ୍ଚଳରେ ଥିବା ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ର ବୁଲି ଦେଖିବାର କାଯର୍ୟକ୍ରମ ରହିଛି। ପ୍ରଥମ ଦିନରେ ଏହି ଟିମ୍ ଫିରିଙ୍ଗିଆ ବ୍ଲକ ଗୋଚ୍ଛାପଡା କ୍ଷେତ୍ର ପରିଦର୍ଶନ କରିଛନ୍ତି। ଗୋଚ୍ଛାପଡା ମେଡିକାଲ, ଲୋହରାସାହି ଅଙ୍ଗନୱାଡି କେନ୍ଦ୍ର, ଖଜୁରିଗଁ।ରେ ଥିବା ଛତୁଆ ଉତ୍ପାଦନ କେନ୍ଦ୍ର ଆଦି ବୁଲି ଦେଖିଥିଲେ। ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରର ଆନୁସଙ୍ଗିକ ବ୍ୟବସ୍ଥା, ରୋଗୀଙ୍କୁ ଚିକତ୍ସା ସେବା କିପରି ଯୋଗାଇ ଦିଆଯାଉଛି ତାହାର ତର୍ଜମା କରିଥିଲେ। ଏଥିସହ ଜାତୀୟ ଯୋଜନାର ଅଗ୍ରଗତି ଉପରେ ମଧ୍ୟ ପଚାରି ବୁଝିଥିଲେ।
ଏହି ଟିମ ଫୁଲବାଣୀରେ ପହଞ୍ଚତ୍ ମୁଖ୍ୟ ଚିକିତ୍ସାଳୟରେ ଅନୁଷ୍ଠିତ ଏକ ବୈଠକରେ ଯୋଗ ଦେଇଥିଲେ। ଜିଲାପାଳ ଡ଼ା. ବୃନ୍ଦା ଡ଼ି, ଜିଲା ମୁଖ୍ୟ ଚିକିତ୍ସାଧିକାରୀ ସମୀର କୁମାର ଦାସ, ଏଡ଼ିଏମ୍ଓ ମନୋରଞ୍ଜନ ରାଉତ ପ୍ରମୁଖ ଯୋଗଦେଇ କେନ୍ଦ୍ରୀୟ ଟିମ ଗସ୍ତ କାର୍ଯ୍ୟକ୍ରମ ସର୍ମ୍ପକରେ ସୂଚନା ପ୍ରଦାନ କରିଥିଲେ। ଜିଲାପାଳ ଏହି ଅବସରର ଆମେ ଚଳିତ ବର୍ଷ ଆନୁଷ୍ଠାନିକ ପ୍ରସବ ଉପରେ ବିଶେଷ ଧ୍ୟାନ ଦେଇ ସଫଳତା ପାଇଛୁ। ଏବର୍ଷ ଶିଶୁ ମୃତ୍ୟୁ ହାର ଉପରେ କାମ ଆରମ୍ଭ କରିଛୁ ବୋଲି ସୂଚନା ଦେଇଥିଲେ। କେନ୍ଦ୍ରୀୟ ଟିମ୍ ଜିଲା ମେଡ଼ିକାଲ ସ୍ଥିତି ସହ ସ୍ବାସ୍ଥ୍ୟ ସେବା, ଡ଼ାକ୍ତର, ରୋଗୀମାନଙ୍କ ଚିକତ୍ସା ସହିତ ଅଙ୍ଗନୱାଡ଼ି କେନ୍ଦ୍ର ଗୁଡ଼ିକର ସ୍ଥିତି ଓ ପରିଚାଳନା ସର୍ମ୍ପକରେ ପଚାରି ବୁଝିଥିଲେ। ଏଥିସହ ଜାତୀୟ ଯୋଜନାର ରୁପରେଖ ସର୍ମ୍ପକରେ ମଧ୍ୟ ପଚାରିଥିଲେ। ଅନୁଷ୍ଠିତ ବୈଠକରେ ଡିପିଏମ୍ ବୁଲୁନାଥ ସାହୁ, ପ୍ରଜନନ ଓ ଶିଶୁ ସ୍ବାସ୍ଥ୍ୟ ଅଧିକାରୀ ଆଶିଷ କୁମାର ମହାନ୍ତି ପ୍ରମୁଖ ଯୋଗ ଦେଇଥିଲେ। କେନ୍ଦ୍ରୀୟ ଟିମ୍ରେ ଡା. ହିମାଂଶୁ ଭୁଷଣ, ଡା.ଏସ୍ସି ଅଗ୍ରୱାଲ, ଡା. ବୁଲୁନାଥ ମୋଟୋ, ଡା. ଅସୀମା ଭଟନାଗର, ପ୍ରୋଗ୍ରାମ ଅଫିସର ସୌରଭ ଶର୍ମା, ଡା. ୱାରିସ ମାରିୟାମ ପ୍ରମୁଖ ସାମିଲ ଅଛନ୍ତି।