ଚେନ୍ନାଇ: କନ୍ନଡ ମୁଭି ଅଭିନେତା ବିଜୟ ରାଘବେନ୍ଦ୍ରଙ୍କ ପତ୍ନୀ ସ୍ପନ୍ଦନା ରାଘବେନ୍ଦ୍ରଙ୍କର ବ୍ୟାଙ୍କକର ଏକ ହସ୍ପିଟାଲରେ ହୃଦଘାତରେ ମୃତ୍ୟୁ ଘଟିଛି। ଖବର ଅନୁଯାୟୀ, ଏହି ଦୁଃଖଦ ଘଟଣା ଘଟିଥିବା ବେଳେ ସ୍ପନ୍ଦନା ତାଙ୍କ ପରିବାର ସହିତ ଥାଇଲ୍ୟାଣ୍ଡରେ ଥିଲେ। ସ୍ପନ୍ଦନାଙ୍କର ଲୋ ବ୍ଲଡ ପ୍ରେସର ଅଭିଯୋଗ ଥିଲା ଏବଂ କୁହାଯାଉଛି ଯେ ଏହି କାରଣରୁ ସେ ହୃଦଘାତରେ ପୀଡିତ ହେବାରୁ ତାଙ୍କର ମୃତ୍ୟୁ ହୋଇଛି। ଏହି ଘଟଣା ପରେ, ସମସ୍ତ ବନ୍ଧୁ ଏବଂ ସେଲିବ୍ରିଟିମାନେ ଅଭିନେତା ଏବଂ ତାଙ୍କ ପରିବାରକୁ ସାନ୍ତ୍ୱନା ଦେଉଛନ୍ତି।
ସୂଚନାନୁସାରେ, ସ୍ପନ୍ଦନା ପରିବାର ସହିତ ଛୁଟି ପାଇଁ ବ୍ୟାଙ୍କକକୁ ଯାଇଥିଲେ। ଏହି ସମୟରେ ତାଙ୍କର ହୃଦଘାତ ହୋଇଥିଲା। ଛାତିରେ ଯନ୍ତ୍ରଣା ହେବାରୁ ସେ ତୁରନ୍ତ ଡାକ୍ତରଖାନାରେ ଭର୍ତ୍ତି ହୋଇଥିବା ଜଣାଯାଇଛି। ତାଙ୍କର ମୃତଦେହ ଅଗଷ୍ଟ ୮ରେ ବେଙ୍ଗାଲୁରୁରେ ପହଞ୍ଚିବ, ଯେଉଁଠାରେ ତାଙ୍କର ଶେଷକୃତ୍ୟ କରାଯିବ। ସ୍ବାମୀ ବିଜୟ ରାଘବେନ୍ଦ୍ର ଏବଂ ପୁଅ ସୌର୍ଯ୍ୟ ଏହାପରେ ଭାଙ୍ଗି ପଡିଛନ୍ତି।