ବଲାଙ୍ଗୀର ଅଫିସ/ଲାଠୋର/କଣ୍ଟାବାଞ୍ଜି,୨୬୨(ଡି.ଏନ୍.ଏ.)ବଲାଙ୍ଗୀର ଜିଲା ତୁରେକେଲା ଥାନା ମୁରିବାହାଲ ଗଁାରେ ବରାତି ଶୋଭାଯାତ୍ରା ଚାଲିଥିବାବେଳେ କନ୍ୟାପକ୍ଷର କେତେଜଣ ବ୍ୟକ୍ତି ନାଚିବାରୁ ବିବାଦୀୟ ସ୍ଥିତି ସୃଷ୍ଟି ହୋଇଛି। ଏହାକୁ ନେଇ ବରପକ୍ଷ ଲୋକେ କନ୍ୟାପକ୍ଷ ଲୋକଙ୍କୁ ଛୁରାମାଡ଼ କରିଛନ୍ତି ା ଏଥିରେ କନ୍ୟାପକ୍ଷର ଦୁଇଜଣ ଗୁରୁତର ଆହତ ହୋଇଛନ୍ତି ା ଘଟଣା ପରେ ବିବାହ ବନ୍ଦ ହୋଇଯାଇଥିବାବେଳେ ମୁରିବାହାଲରେ ଉତ୍ତେଜନା ଲାଗିରହିଛି। ସୂଚନା ମୁତାବକ, ବଡ଼ବାଙ୍କୀ ଗ୍ରାମପଞ୍ଚାୟତ ଅନ୍ତର୍ଗତ ମୁରିବାହାଲ ଗାଁର ବେଲଖମ ତାଣ୍ଡିଙ୍କ ଦ୍ୱିତୀୟ କନ୍ୟା ପ୍ରମିଳାଙ୍କର ବିବାହ ଛତିଶଗଡ଼ ରାୟପୁରର କୁକୁରବେଡ଼ା ନିବାସୀ ମଗଶିର ଛୁରାଙ୍କ ପୁଅ ଜୟାନନ୍ଦଙ୍କ ସହ ସ୍ଥିର ହୋଇଥିଲା। ଶୁକ୍ରବାର ସନ୍ଧ୍ୟାରେ ବରପକ୍ଷ ଲୋକେ ମୁରିବାହାଲ ଗଁାରେ ପହଞ୍ଚତ୍ଥିଲେ। ଗଁାରେ କନ୍ୟାପକ୍ଷରୁ ଅତିଥି ଚର୍ଚ୍ଚା ପରେ ବର ସହ ବରାତି ଶୋଭାଯାତ୍ରାରେ ବରଯାତ୍ରୀ ବାହାରିଥିଲେ। ବ୍ୟାଣ୍ଡପାର୍ଟି ଗଁାରେ ଯିବାବେଳେ ବରପକ୍ଷ ଲୋକେ ନୃତ୍ୟଗୀତରେ ମସ୍ଗୁଲ ଥିଲେ। ଏହି ସମୟରେ କନ୍ୟାପକ୍ଷର ୨-୩ ଜଣ ଶୋଭାଯାତ୍ରାରେ ମିଶି ନାଚିଥିଲେ। ଏହି ଘଟଣାକୁ ନେଇ ବରପକ୍ଷ ଓ କନ୍ୟାପକ୍ଷ ମଧ୍ୟରେ କଥା କଟାକଟି ହୋଇଥିଲା। ଏଥିରେ ଉତ୍ତ୍ୟକ୍ତ ହୋଇ ବରପକ୍ଷର କେତେଜଣ ଯୁବକ କନ୍ୟାପକ୍ଷର ସମ୍ପର୍କୀୟ ଶଙ୍କର ତାଣ୍ଡି ଓ ଚିନ୍ତା ତାଣ୍ଡିଙ୍କୁ ଛୁରାମାଡ଼ କରିଥିଲେ। ଏଥିରେ ଶଙ୍କର ଓ ଚିନ୍ତା ଗୁରୁତର ଆହତ ହେବା ସହ ଅନ୍ୟ କେତେଜଣ ସାମାନ୍ୟ ଆହତ ହୋଇଥିଲେ। କନ୍ୟାପକ୍ଷ ଲୋକେ ତୁରେକେଲା ଥାନାରେ ଅଭିଯୋଗ କରିଥିଲେ। ପୋଲିସ ଟିମ୍ ଗଁାରେ ପହଞ୍ଚତ୍ ବରପକ୍ଷର ଦୁଇ ଯୁବକଙ୍କୁ ଗିରଫ କରି ଶନିବାର କୋର୍ଟଚାଲାଣ କରିଥିବା ଥାନା ଆଇଆଇସି ଧର୍ମେନ୍ଦ୍ର ଶାନ୍ତି ସୂଚନା ଦେଇଛନ୍ତି। ଗୁରୁତର ଆହତ ଶଙ୍କର ଏବଂ ଚିନ୍ତାଙ୍କୁ ସ୍ଥାନୀୟ ହସ୍ପିଟାଲରେ ପ୍ରାଥମିକ ଚିକିତ୍ସା ପରେ ରାୟପୁର ହସ୍ପିଟାଲ ସ୍ଥାନାନ୍ତର କରାଯାଇଥିବା ଜଣାପଡ଼ିଛି। ଗଣ୍ଡଗୋଳ ପରେ ବରଙ୍କୁ ଶିଶୁପାଳ ହୋଇ ଫେରିବାକୁ ପଡ଼ିଛି ା ଏ ନେଇ ତୁରେକେଲା ଥାନାରେ ନଂ.୨୫/୨୩ରେ ଏକ ମାମଲା ରୁଜୁ ହୋଇଛି ା