୧୯୮୩ରେ ହୋଇଥିବା କ୍ରିକେଟ ବିଶ୍ୱକପରେ ଭାରତର ଐତିହାସିକ ବିଜୟକୁ ନେଇ ଫିଲ୍ମ ‘୮୩’ ନିର୍ମାଣ କରାଯାଉଛି। ଏହି ଫିଲ୍ମରେ ବଲିଉଡ ଅଭିନେତା ରଣବୀର ସିଂହ କପିଲ ଦେବଙ୍କ ଭୂମିକାରେ ନଜର ଆସୁଛନ୍ତି। ଇତିମଧ୍ୟରେ ଫିଲ୍ମର ପ୍ରଥମ ପୋଷ୍ଟର ମଧ୍ୟ ରିଲିଜ୍ ହୋଇଯାଇଛି। ରଣବୀରଙ୍କୁ କପିଲ ଦେବଙ୍କ ଅବତାରରେ ଦେଖି ତାଙ୍କ ପ୍ରଶଂସକ ଫିଲ୍ମକୁ ନେଇ ଅଧିକ ଉତ୍ସାହିତ ହୋଇଥିବା ଦେଖାଯାଇଛି। ନିକଟରେ କପିଲ ଦେବ ବିଭିନ୍ନ ରଙ୍ଗ ଥିବା ଏକ ଟ୍ରାକ୍ ଶୁଟ୍ ପ୍ୟାଣ୍ଟ୍ ପିନ୍ଧିଥିବାର ଫଟୋ ସୋସିଆଲ ମିଡିଆରେ ଭାଇରାଲ ହୋଇଥିଲା। ଯାହାକୁ ନେଇ ସେ ଟ୍ରୋଲ ହୋଇଛନ୍ତି। ଫ୍ୟାନ୍ କହିଛନ୍ତି, ରଣବୀରଙ୍କ ଚକ୍କରରେ ପଡି କପିଲ ନିଜକୁ ପରିବର୍ତ୍ତନ କରିଦେଲେଣି। ରଣବୀରଙ୍କଠାରୁ ଯେତେଦୂର ସମ୍ଭବ ଦୂରେଇ ରୁହନ୍ତୁ ବୋଲି କପିଲଙ୍କୁ ଫ୍ୟାନ୍ମାନେ କହିଛନ୍ତି। ଏହି ଫିଲ୍ମରେ ରଣବୀରଙ୍କ ସହ ତାଙ୍କ ସ୍ତ୍ରୀ ଅଭିନେତ୍ରୀ ଦୀପିକା ପାଦୁକୋନ ମଧ୍ୟ ନଜର ଆସିବେ। ସେ ଏଥିରେ କପିଲ ଦେବଙ୍କ ସ୍ତ୍ରୀଙ୍କ ଚରିତ୍ରରେ ଅଭିନୟ କରୁଛନ୍ତି।