ଭୋପାଳ,୨୪।୬: ମଧ୍ୟପ୍ରଦେଶ ଭିଣ୍ଡ ଜିଲାର ଶାନ୍ତିନାଥ ଦିଗମ୍ବର ଜୈନ ମନ୍ଦିରରୁ ଚୋରି ରବିବାର ହୋଇଥିବା ମୂର୍ତ୍ତି ସୋମବାର ସକାଳେ ସ୍ଥାନୀୟ କବରସ୍ତାନରୁ ଉଦ୍ଧାର ହୋଇଛି। ମନ୍ଦିରରେ ଥିବା ୩୩ଟି ଜୈନ ମୂର୍ତ୍ତି ମଧ୍ୟରୁ ୨୨ ମୂର୍ତ୍ତି ଚୋରି ହୋଇଥିଲା। ଅନ୍ୟ ୧୧ଟି ମୂର୍ତ୍ତିରେ ସୁନା ଭଳି ଚମକ ନ ଥିବାରୁ ଚୋର ଏହାକୁ ନେଇ ନ ଥିବା କୁହାଯାଉଛି। ତେବେ ସମସ୍ତ ମୂର୍ତ୍ତି ଅଷ୍ଟଧାତୁରେ ନିର୍ମିତ ହୋଇଥିତ୍ବା ମନ୍ଦିର କର୍ତ୍ତୃପକ୍ଷ କହିଛନ୍ତି। ଶହେ ବର୍ଷରୁ ଅଧିକ ପୁରାତନ ମୂର୍ତ୍ତିଗୁଡ଼ିକ ଅଷ୍ଟଧାତୁର ହୋଇଥିବା ଚୋର ଜାଣିପାରି ଏହାକୁ କବରସ୍ତାନରେ ପକାଇ ଚାଲିଯାଇଥିବା ପୋଲିସ ଅନୁମାନ କରୁଛି। ଚୋର କିମ୍ବା ମୂର୍ତ୍ତିଗୁଡିକ ସମ୍ପର୍କରେ ସୂଚନା ଦେଲେ ୧୦ ହଜାର ଟଙ୍କାର ପୁରସ୍କାର ଦିଆଯିବ ବୋଲି ସ୍ଥାନୀୟ ଏସ୍ପି ରୋଡାଲ୍ଫ୍ ଅଲ୍ବାରେସ୍ ଘୋଷଣା କରିଥିଲେ।