ଭୋପାଳ,୧।୯: ମଧ୍ୟପ୍ରଦେଶରେ କଂଗ୍ରେସ ଅଧ୍ୟକ୍ଷ ପଦକୁ ନେଇ ଅଙ୍କକଷା ଛିଡୁନ ଥିବା ବେଳେ ଏବେ ଏହାକୁ ନେଇ ଭାଜପା ନେତା ଟିପ୍ପଣୀ ଦେବା ଆରମ୍ଭ କଲେଣି। ଦିଲ୍ଲୀରୁ ନେଇ ଭୋପାଳ ପର୍ଯ୍ୟନ୍ତ ଏବେ ଚର୍ଚ୍ଚା ମଧ୍ୟପ୍ରଦେଶ କଂଗ୍ରେସ ଅଧ୍ୟକ୍ଷ ପଦ କାହାକୁ ମିଳିବ। ଏହି ଦୌଡରେ ନିଜେ ମୁଖ୍ୟମନ୍ତ୍ରୀ କମଲନାଥଙ୍କ ସହ ଜ୍ୟୋତିରାଦିତ୍ୟ ସିନ୍ଧିଆ ଓ ଦିଗ୍ବିଜୟ ସିଂଙ୍କ ନାଁ ଖୁବ୍ ଚର୍ଚ୍ଚାରେ ରହିଛି। ହେଲେ ଗୋଟିଏ ଦିନ ପୂର୍ବରୁ ଦିଗ୍ବିଜୟ କହିଛନ୍ତି ତାଙ୍କୁ କଂଗ୍ରେସ ଅଧ୍ୟକ୍ଷ ପଦ ଦରକାର ନାହିଁ। ତେବେ ଦିଗ୍ବିଜୟଙ୍କ ଏହି କଥା ଶୁଣିବା ପରେ ଭାଜପା ନେତା କୈଳାଶ ବିଜୟଭର୍ଗିୟ କହିଛନ୍ତି ସମସ୍ତଙ୍କୁ ବୋକା ବନାଇ ଶେଷରେ ବାଜି ମାରିବେ ଦିଗ୍ବିଜୟ।