ନୂଆଦିଲ୍ଲୀ,୧।୨: ଚଳିତ ୨୦୨୦-୨୧ ବଜେଟରେ ସରକାର ଆୟକର କମାଇ ଦେଇଛନ୍ତିି। ଏଣିକି ୫ ଲକ୍ଷରୁ ୭.୫ ଲକ୍ଷ ଆୟକରୁ ଥିବା ବ୍ୟକ୍ତି ବିଶେଷଙ୍କୁ ୧୦% ଟିକସ ଦେବାକୁ ପଡ଼ିବ। ପୂର୍ବରୁ ଏହା ୨୦% ଥିଲା। ତେବେ ୫ ଲକ୍ଷ ପର୍ଯ୍ୟନ୍ତ ଆୟକରୁ ଥିବା ଲୋକଙ୍କୁ ପୂର୍ବ ଭଳି କୌଣସି ଟିକସ ଦେବାକୁ ପଡ଼ିବ ନାହିଁ। ୭.୫ ଲକ୍ଷରୁ ୧୦ ଲକ୍ଷ ଉପରେ ୧୫% ଆୟକର ଦେବାକୁ ପଡ଼ିବ। ଏହା ପୂର୍ବରୁ ୨୦% ଥିଲା। ସେହିପରି ୧୦ ଲକ୍ଷରୁ ୧୨.୫ ଲକ୍ଷ ଟଙ୍କା ଆୟ ଉପରେ ୨୦% ଆୟକର ଦେବାକୁ ପଡ଼ିବ। ଏହା ପୂର୍ବରୁ ୩୦% ଥିଲା। ଅପରପକ୍ଷରେ ୧୨.୫ ଲକ୍ଷରୁ ୧୫ ଲକ୍ଷ ଟଙ୍କା ଆୟ ଉପରେ ୨୫% ଟିକସ ଦେବାକୁ ପଡ଼ିବ। ଏହା ପୂର୍ବରୁ ୩୦% ଥିଲା। ସେହିପରି ୧୫ ଲକ୍ଷ ଟଙ୍କା ଆୟ ଉପରେ ପୂର୍ବଭଳି ୩୦% ପ୍ରତିଶତ ଟିକସ ବ୍ୟବସ୍ଥା ରହିଥିବା ଅର୍ଥମନ୍ତ୍ରୀ ନିର୍ମଳା ସୀତାରମଣ ସୂଚନା ଦେଇଛନ୍ତି। ଏହି ନୂଆ ଟିକସ ବ୍ୟବସ୍ଥା ଦ୍ୱାରା ୧୫ ଲକ୍ଷ ଟଙ୍କା ପର୍ଯ୍ୟନ୍ତ ଆୟ କରୁଥିବା ବ୍ୟକ୍ତି ବାର୍ଷିକ ୭୮ ହଜାର ଟଙ୍କା ସଞ୍ଚୟ କରିପାରିବେ।
