ବଲିଉଡ୍ର କିଛି ଅଭିନେତ୍ରୀ ଖୁବ୍ କମ୍ ଫିଲ୍ମରେ ଅଭିନୟ କରି ମଧ୍ୟ ସଫଳତାର ଶୀର୍ଷରେ ପହଞ୍ଚିଛନ୍ତି। ଏମିତି ଜଣେ ସଫଳ ଅଭିନେତ୍ରୀ ହେଉଛନ୍ତି ୟାମି ଗୌତମ। ଆଜି ଅର୍ଥାତ ନଭେମ୍ବର ୨୮ ଗୁରୁବାର ତାଙ୍କର ଜନ୍ମଦିନ। ଏହି ଖାସ୍ ଦିନରେ ଆସନ୍ତୁ ଜାଣିବା ତାଙ୍କ କ୍ୟାରିୟର ବିଷୟରେ…
ଟେଲିଭିଜନରୁ କ୍ୟାରିୟର ଆରମ୍ଭ କରିଥିବା ୟାମି ଗୋତମ ଆଜି ୩୧ତମ ଜନ୍ମଦିବସ ପାଳନ କରୁଛନ୍ତି। ଆଜିର ଏହି ସ୍ପେଶାଲ ଦିନରେ ସୋସିଆଲ ମିଡିଆରେ ସେ ପିଲାଦିନର କିଛି ଫଟୋ ଶେୟାର କରିଛନ୍ତି। ଏହି ଫଟୋକୁ ଯିଏ ବି ଦେଖିବ ‘ସୋ କ୍ୟୁଟ୍’ କହିବାକୁ ଆଦୌ ଭୁଲିବନି। ଫିଲ୍ମ ‘ବିକି ଡୋନର’ ଜରିଆରେ ସେ ୨୦୧୨ ମସିହାରେ ନିଜର ଫିଲ୍ମ କ୍ୟାରିୟର ଆରମ୍ଭ କରିଥିଲେ। ଏଥିରେ ୟାମିଙ୍କ ସହ ଆୟୁଷ୍ମାନ ଖୁରାନା ମଧ୍ୟ ଅଭିନୟ କରିଥିଲେ। ୟାମି ଜଣେ ବ୍ୟାଙ୍କ କର୍ମଚାରୀ ଭୂମିକାରେ ଅଭିନୟ କରିଥିଲେ। ଦର୍ଶକଙ୍କୁ ତାଙ୍କ ଭୂମିକା ବେଶ୍ ପସନ୍ଦ ଆସିଥିଲା।
ବଲିଉଡ୍ରେ ଏହି ୭ ବର୍ଷର ଯାତ୍ରା ମଧ୍ୟରେ ୟାମି ୪ଟି ହିଟ୍ ଫିଲ୍ମ ଦେଇସାରିଛନ୍ତି। ଫିଲ୍ମ ‘ବାଲା’ରେ ମଧ୍ୟ ସେ ମୁଖ୍ୟ ଭୂମିକାରେ ଅଭିନୟ କରିଛନ୍ତି। ଫିଲ୍ମଟି ବକ୍ସ ଅଫିସ୍ରେ ସୁପରହିଟ୍ ହୋଇଛି। ୟାମିଙ୍କ ଜନ୍ମ ହିମାଚଳ ପ୍ରଦେଶର କାଙ୍ଗଡ଼ା ଜିଲାର ଜୟସିଂହପୁରରେ ହୋଇଥିବା ବେଳେ ତାଙ୍କର ପାଠପଢ଼ା ଚଣ୍ଡୀଗଡ଼ରେ। ପିଲାଦିନରୁ ଆଇଏଏସ୍ ହେବାକୁ ତାଙ୍କର ଲକ୍ଷ୍ୟ ଥିଲା। କିନ୍ତୁ ଭାଗ୍ୟ ଆଣି ତାଙ୍କୁ ଏଠାରେ ପହଞ୍ଚାଇଛି।
