ଠାକୁରମୁଣ୍ଡା,୨୭ା୬(ଡି.ଏନ.ଏ)- ମୟୂରଭଞ୍ଜ ଜିଲା କରଞ୍ଜିଆ ଉପକାରାଗାରରୁ ଗତ ୧୬ ତାରିଖରୁ ଫେରାର ହୋଇଯାଇଥିବା କଏଦୀ ଭଗବାନ ଟୁଡୁକୁ ପୋଲିସ ଗିରଫ କରିବାରେ ସକ୍ଷମ ହୋଇଛି ା ଯାଜପୁର ଜିଲା ପୁରୁଣାପାଣି ଥାନା ଅଞ୍ଚଳରେ ଘଟିଥିବା ଏକ ନରହତ୍ୟା ମାମଲାରେ ଗିରଫ ହୋଇଥିବା ଭଗବାନ ଯାଜପୁର ଅତିରିକ୍ତ ଜିଲା ଦୌରାଜଜଙ୍କ ଅଦାଲତରେ ଦୋଷୀ ସାବ୍ୟସ୍ତ ହୋଇ ଆଜୀବନ କାରାଦଣ୍ଡରେ ଦଣ୍ଡିତ ହୋଇଥିଲେ ା ଗତ ତା୧୬ା୮ା୨୦୧୭ ରିଖରେ ଯାଜପୁର ଜେଲରୁ ତାଙ୍କୁ କରଞ୍ଜିଆ ଉପକାରାଗାରକୁ ସ୍ଥାନାନ୍ତରିତ କରାଯାଇଥିଲା ା ତେବେ ସବୁଦିନ ଭଳି ଉପ କାରାଗାର ବଗିଚା କାମ କରୁଥିବା ବେଳେ ଗତ ୧୬ତାରିଖରେ ସେ ସେଠାରୁ ଫେରାର ହୋଇଯାଇଥିଲେ ା ୩ ଦିନ ପରେ ଉପକାରାଗାର ଅଧୀକ୍ଷକ ଲକ୍ଷ୍ମୀଧର ମୁର୍ମୁ କରଞ୍ଜିଆ ଥାନାରେ ଏସମ୍ପର୍କରେ ଏତଲା ଦେଇଥିଲେ। ଏଥିନେଇ ଥାନାରେ ଏକ ମାମଲା (ନଂ.୮୧/୧୯)ରେ ରୁଜୁ ହୋଇଥିଲା ା ଭଗବାନ ଫେରାର ଘଟଣା ସମୟରେ କାର୍ଯ୍ୟରତ ଜମାଦାର ସୁକାନ୍ତ ବେହେରା ମାନସିକ ଭାରସାମ୍ୟ ହରାଇ କ୍ୱାର୍ଟରରୁ କେଉଁଆଡେ ଚାଲିଯିବା ପରେ ଗତ ୨୩ତାରିଖରେ ତାଙ୍କ ମୃତଦେହ ସହର ଉପକଣ୍ଠ ଗ୍ରୀଡ ଷ୍ଟେସନ ସମ୍ମୁଖ ଏକ ଶାଳଗଛରେ ଝୁଲୁଥିବା ଅବସ୍ଥାରେ ଉଦ୍ଧାର ହୋଇଥିଲା ା ଭଗବାନ ଫେରାର ହେବା ପରେ କରଞ୍ଜିଆ ପୋଲିସ ତାଙ୍କ ଗତିବିଧି ସମ୍ପର୍କରେ ନଜର ରଖିଆସୁଥିଲା ା ତେବେ ଭଗବାନ ଗାଁରେ ଥିବା ଖବର ପାଇ ମଙ୍ଗଳବାର ରାତିରେ ଥାନା ସବଇନ୍ସପେକ୍ଟର ରଞ୍ଜିତା ପ୍ରଧାନ, ଏଏସଆଇ କୋଦଣ୍ଡ ସେଠୀ ସଦଳବଳ ଯାଜପୁର ଯାଇ କାଳିଆପାଣି ପୋଲିସ ସହାୟତାରେ ଭଗବାନଙ୍କୁ ତାଙ୍କ ଘରୁ ଗିରଫ କରିଥିଲା। ଅଦାଲତରେ ବୁଧବାର ହାଜର ପରେ ତାଙ୍କୁ ଜେଲ ହାଜତକୁ ପଠାଇ ଦିଆଯାଇଛି ା
ଏହି କଏଦୀ ଫେରାର ଘଟଣାରେ ଡ୍ୟୁଟିରେ ଥିବା ମୃତ ଜମାଦାର ସୁକାନ୍ତ ବେହେରା ଓ ଗେଟ୍ ୱାର୍ଡରଙ୍କୁ ପୂର୍ବରୁ ନିଲମ୍ବନ କରାଯାଇଥିବା ବେଳେ ଉପକାରାଗାର ଅଧୀକ୍ଷକ ଲକ୍ଷ୍ମୀଧର ମୁର୍ମୁଙ୍କୁ ରାୟଗଡା ବଦଳି କରାଯାଇଛି। ୨୪ ତାରିଖ ଦିନ ନୂତନ ଅଧୀକ୍ଷକ ଭାବେ ଉପେନ୍ଦ୍ର ଜେନା ଦାୟିତ୍ୱ ଗ୍ରହଣ କରିଛନ୍ତି ା