ଛତ୍ରପୁର,୩୧ା୧୨(ଡି.ଏନ୍.ଏ.): ଛତ୍ରପୁର ଥାନା କରାତଳି ଗାଁର ଜଣେ ମହିଳାଙ୍କ ସନ୍ଦେହଜନକ ମୃତ୍ୟୁ ଘଟିଛି। ସେ ହେଲେ ଝିଲି ଖୁଣ୍ଟିଆ। ଏ ନେଇ ଝିଲ୍ଲିଙ୍କ ସ୍ବାମୀଙ୍କଠାରୁ ଖବରପାଇ ଛତ୍ରପୁର ପୋଲିସ ପହଞ୍ଚି ମୃତଦେହକୁ ଜବତ କରି ବ୍ୟବଚ୍ଛେଦ ପାଇଁ ପଠାଇଛି। ଅନ୍ୟପକ୍ଷରେ ଝିଅକୁ ମାରି ଦିଆଯାଇଥିବା ନେଇ ପୁରୁଷୋତ୍ତମପୁର ବ୍ଲକ ସାହାପୁର ଗ୍ରାମରୁ ଆସି ଝିଲ୍ଲିଙ୍କ ମା’ ଛତ୍ରପୁର ଥାନାରେ ଅଭିଯୋଗ କରିଛନ୍ତି। ଅଧିକ ଯୌତୁକ ଆଣିବାକୁ ବାଧ୍ୟ କରି ତାଙ୍କୁ ମାରି ଦିଆଯାଇଥିବା ପୋଲିସକୁ ସେ କହିଥିଲେ। ଏ ନେଇ ଥାନାରେ ଏକ ମାମଲା (ନଂ.୩୪୮/୧୯) ରୁଜୁ କରାଯାଇଛି। ଝିଲ୍ଲିଙ୍କ ସ୍ବାମୀଙ୍କୁ ଅଟକ ରଖାଯାଇ ତଦନ୍ତ ଚାଲିଛି।