ଚେନ୍ନାଇ,୨୭।୮: ଡିଏମକେର ପ୍ରତିଷ୍ଠାତା ତଥା ତାମିଲନାଡୁର ପୂର୍ବତନ ମୁଖ୍ୟମନ୍ତ୍ରୀ ସ୍ବର୍ଗତ ଏମ୍ କରୁଣାନିଧିଙ୍କ ସମ୍ମାନରେ ଏକ ମନ୍ଦିର ନିର୍ମାଣ ହେବାକୁ ଯାଉଛି। ଏହି ମନ୍ଦିର ନାମ ‘ଟେମ୍ପଲ୍ ଅଫ୍ ରାସ୍ନାଲିଟି’ ରଖାଯାଇଛି। ମନ୍ଦିର ନିର୍ମାଣ ପାଇଁ ୩୦ଲକ୍ଷ ଟଙ୍କା ଖର୍ଚ୍ଚ ହେବ ବୋଲି ଜଣାପଡିଛି। ନାମକ୍କଲ ଜିଲାର କୁଚିଗଡୁ ଗ୍ରାମରେ ଏହି ମନ୍ଦିର ନିର୍ମାଣ କରାଯିବ। ଏଥିପାଇଁ ଭୂମି ପୂଜନ କରାଯାଇଛି। ଅରୁନ୍ଥାଥିଆର୍ ନାମକ ଦଳିତ ସମୁଦାୟର ଲୋକମାନେ ମନ୍ଦିର ନିର୍ମାଣ କରୁଥିବା ସୂଚନା ମିଳିଛି। କରୁଣାନିଧି ମୁଖ୍ୟମନ୍ତ୍ରୀ ଥିବାବେଳେ ଏହି ସମ୍ପ୍ରଦାୟକୁ ଆରକ୍ଷଣ ସୁବିଧା ଉପଲବ୍ଧ କରାଇଥିଲେ। ସୂଚନାଯୋଗ୍ୟ, ପୂର୍ବରୁ ତାମିଲନାଡୁର ପୂର୍ବତନ ମୁଖ୍ୟମନ୍ତ୍ରୀ ଜୟଲଳିଥାଙ୍କ ପ୍ରଶଂସକମାନେ ମଧ୍ୟ ତାଙ୍କ ମନ୍ଦିର ନିର୍ମାଣ କରିଛନ୍ତି।
