ବାରିପଦା ଅଫିସ, ୧୫ା୩ -ସାରା ବିଶ୍ୱରେ ମହାମାରୀ ରୂପ ନେଇଥିବା କରୋନା ଭାଇରସ ଦାଉରୁ ରକ୍ଷା ପାଇବା ଲାଗି ସ୍ଥାନୀୟ ‘ହେଲ୍ପିଂ ବୟ’ ଅନୁଷ୍ଠାନ ପକ୍ଷରୁ ସ୍ଥାନୀୟ ମା’ ଅମ୍ବିକା ମନ୍ଦିରରେ ଶନିବାର ଦୀପଦାନ କରାଯାଇଥିଲା। ମୟୂରଭଞ୍ଜବାସୀଙ୍କ ସମେତ ସାରା ଦେଶରେ କିପରି କରୋନା ଭାଇରସ୍ ପ୍ରବେଶ ନ କରିବ ସେଥିପାଇଁ ଯୁବକମାନେ ମା’ ଅମ୍ବିକାଙ୍କୁ ପ୍ରାର୍ଥନା କରିଥିଲେ। ଯୁବ ସମାଜସେବୀ ରାହୁଲ କରନଙ୍କ ନେତୃତ୍ୱରେ ଶତାଧିକ ଯୁବକ ମା’ ଅମ୍ବିକାଙ୍କ ମନ୍ଦିର ନିକଟରେ ଏକତ୍ରିତ ହୋଇ କାର୍ଯ୍ୟକ୍ରମରେ ସାମିଲ ହୋଇଥିଲେ। କରୋନା ସଂକ୍ରମଣରୁ ବର୍ତ୍ତିବା ସକାଶେ ରାଜ୍ୟ ସରକାର ଆସନ୍ତା ୩୧ ତାରିଖ ପର୍ଯ୍ୟନ୍ତ ବିଭିନ୍ନ ଶିକ୍ଷାନୁଷ୍ଠାନ, ପ୍ରେକ୍ଷାଳୟ ଆଦି ବନ୍ଦ ରଖିବାକୁ ନିର୍ଦ୍ଦେଶ ଦେଇଛନ୍ତି। କୌଣସି ଜନଗହଳିପୂର୍ଣ୍ଣ ସ୍ଥାନକୁ ନ ଯିବା ଲାଗି ଲୋକଙ୍କୁ ଅନୁରୋଧ କରାଯାଇଛି। ଜିଲାବାସୀ ସଚେତନ ହୋଇ ନିଜ ପରିବେଶକୁ ସ୍ବଚ୍ଛ ରଖିବା ସହ ସାବୁନରେ ହାତ ଧୋଇ ଖାଦ୍ୟ ପଦାର୍ଥ ଖାଇବାକୁ ହେଲ୍ପିଂ ବଏ ପକ୍ଷରୁ ଅନୁରୋଧ କରାଯାଇଥିଲା। କାର୍ଯ୍ୟକ୍ରମରେ ଲଳିତ ସରକାର, ସରୋଜ ପଦାର, ରାଜ ରଏ, ସାଗର ପାତ୍ର, ଶୁଭ ରଏ, ରାଜେଶ ପ୍ରହରାଜ, ସ୍ବାଗତ ସମ୍ପଦ ଦାସ, ନିକୁ ମହାନ୍ତି, ପ୍ରଶାନ୍ତ ସେନାପତି, ବିଶ୍ୱଜିତ ଭୂୟଁ।, ସୁବ୍ରତ କୁମାର ଦାସ ପ୍ରମୁଖ ଉପସ୍ଥିତ ଥିଲେ।