ମହାମାରୀ କରୋନା (କୋଭିଡ-୧୯) ସମଗ୍ର ବିଶ୍ୱକୁ କବଳିତ କରିଛି। ଏଥିରୁ ରକ୍ଷା ପାଇବା ପାଇଁ ସରକାର ବିଭିନ୍ନ ଉପାୟ ଅବଲମ୍ବନ କରୁଛନ୍ତି। ତେବେ କରୋନା ଠାରୁ ଦୂରେଇ ରହିବାର ଏକମାତ୍ର ଉପାୟ ହେଉଛି ସାମାଜିକ ଦୂରତା। ଏଭଳି ପରିସ୍ଥିତିରେ ଲୋକେ ଘରେ ରହିବା ସହ ପରସ୍ପରଠାରୁ ଦୂରତା ବଜାୟ ରଖୁଛନ୍ତି। କରୋନାକୁ ଏଡ଼ାଇବା ପାଇଁ ବାରମ୍ବାର ହାତ ଧୋଇବାକୁ ଲୋକଙ୍କୁ କୁହାଯାଉଛି। ଏଥିରୁ ଦୂରେଇ ରହିବା ପାଇଁ କ୍ୟାବ୍ ଏବଂ ଅଟୋବାଲା ପ୍ଲାଷ୍ଟିକ କଭର୍ ବ୍ୟବହାର କରୁଛନ୍ତି। ଠିକ୍ ଏତିକିବେଳେ କରୋନା ଭାଇରସକୁ ଏଡ଼ାଇବା ପାଇଁ ଜଣେ ବ୍ୟକ୍ତି ନିଜ ଅଟୋ ଭିତରେ ଏକ ଓ୍ବାସ୍ ବେଶିନ ଲାଗାଇଛନ୍ତି। ଏହା ଉପରେ ହ୍ୟାଣ୍ଡ ଓ୍ବାସ ଓ ପାଣି ବୋତଲ ରଖାଯାଇଛି। ଏହି ଭିଡିଓଟି ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି।