ଲଣ୍ଡନ,୧୩।୩- ପ୍ରିମିୟର ଲିଗ୍ କ୍ଲବ ଚେଲସି ଦଳର ଖେଳାଳି ହଡସନ ଓଡୋଇ କରୋନା ଭାଇରସରେ ଆକ୍ରାନ୍ତ ଥିବା ରିପୋର୍ଟରୁ ଜଣାପଡ଼ିଛି। ଭାଇରସର ସଂସ୍ପର୍ଷରେ ଆସିବାରେ ଓଡୋଇ ପ୍ରିମିୟର ଲିଗ୍ର ପ୍ରଥମ ଖେଳାଳି। ତାଙ୍କ ସ୍ବାବ ରିପୋର୍ଟ ଆସିବା ପରେ ଦଳୀୟ ସଦସ୍ୟ ଓ କୋଚିଂ ଷ୍ଟାଫଙ୍କୁ କ୍ୱାରାଣ୍ଟାଇନରେ ରହିବାକୁ କ୍ଲବ ପକ୍ଷରୁ ନିର୍ଦ୍ଦେଶ ଦିଆଯିବ। ଏହା ବ୍ୟତୀତ ଆର୍ସେନଲ ମ୍ୟାନେଜର ମିକେଲ ଆର୍ତେତାଙ୍କ ରିପୋର୍ଟ ମଧ୍ୟ ପଜେଟିଭ ଆସିଛି। ଏଥିଯୋଗୁ ଆର୍ସେନଲ ଖେଳାଳିମାନଙ୍କୁ ଅଲଗା ରଖାଯିବ। ଚେଲସି ପୁରୁଷ ଦଳର ଖେଳାଳି କଲମ ରିପୋର୍ଟ ପଜେଟିଭ ଆସିଛି। ତାଙ୍କ ସମ୍ପର୍କରେ ଥିବା ଖେଳାଳି ଓ ଷ୍ଟାଫଙ୍କୁ ସରକାରଙ୍କ ନିୟମ ଅନୁସାରେ ନିଜ ଆଡ଼ୁ ଅଲଗା ରହିବାକୁ ପଡ଼ିବ। ଏଥିରେ ଦଳର ସମସ୍ତ ଖେଳାଳି, କୋଚିଂ ଷ୍ଟାଫ ଓ ବ୍ୟାକରୁମ ଷ୍ଟାଫ ମଧ୍ୟ ସାମିଲ ରହିବେ। ପରବର୍ତ୍ତୀ ମ୍ୟାଚ୍ ସମ୍ପର୍କରେ ପ୍ରିମିୟର ଲିଗ୍ ଅଫିସିଆଲଙ୍କ ସହ ଚେଲସି ପକ୍ଷରୁ ଆଲୋଚନା କରାଯିବ ବୋଲି କୁହାଯାଇଛି। ହଡସନଙ୍କ ନିକଟରେ ପ୍ରଥମେ ଲକ୍ଷଣ ଦେଖାଦେଇଥିଲା। ଏଥିଯୋଗୁ ସେ ସୋମବାରଠାରୁ ଦଳଠୁ ଦୂରେଇ ଥିଲେ। ମଙ୍ଗଳବାର ତାଙ୍କର ସ୍ବାବ ପରୀକ୍ଷା କରାଯାଇଥିଲା। କରୋନାରେ ଆକ୍ରାନ୍ତ ହେବା ସତ୍ତ୍ୱେ ୧୯ ବର୍ଷୀୟ ଖେଳାଳି ଏବେ ସୁସ୍ଥ ଅଛନ୍ତି।