ହିଞ୍ଜିଳିକାଟୁ,୨୨ା୪(ଡି.ଏନ୍.ଏ.)- ହିଞ୍ଜିଳିକାଟୁ ପୌରାଞ୍ଚଳର ଜଣେ ଯୁବକ (୨୫)ଙ୍କ ମୁମ୍ବାଇରେ ଚିକିତ୍ସିତ ଅବସ୍ଥାରେ ବୁଧବାର ମୃତ୍ୟୁ ଘଟିଛି। ୪ ଦିନ ପୂର୍ବରୁ ସେ ଅସୁସ୍ଥ ହୋଇ ଡ଼ାକ୍ତରଖାନାରେ ଭର୍ତ୍ତି ହୋଇଥିଲେ। ତାଙ୍କର କୋଭିଡ଼-୧୯ ପରୀକ୍ଷା ପରେ ପଜିଟିଭ ବାହାରିଥିଲା। ମୃତ ଯୁବକ ମୁମ୍ବାଇରେ ତାଙ୍କ ମାମୁଙ୍କ ନିକଟରେ ରହି ଏକ ଘରୋଇ କମ୍ପାନୀରେ କାମ କରୁଥିଲେ। ତାଙ୍କ ମାମୁ ଘର ପରିବାରର ଅନ୍ୟ ୩ ଜଣ ମଧ୍ୟ କରୋନାରେ ଆକ୍ରାନ୍ତ ହୋଇଥିବା ଜଣାପଡିଛି। ପ୍ରକାଶଥାଉ କି, ସୋମବାର ବ୍ଲକ ଅଞ୍ଚଳର ଜଣେ ବ୍ୟକ୍ତିଙ୍କ ମୁମ୍ବାଇରେ ଚିକିତ୍ସିତ ଅବସ୍ଥାରେ ମୃତ୍ୟୁ ଘଟିଥିଲା।