ଉହାନ,୧୩।୬: ଚାଇନାରୁ ଆରମ୍ଭ ହୋଇଥିବା କରୋନା ମହାମାରୀ ଏବେ ବିଶ୍ୱର ଚିନ୍ତାକୁ ବଢାଇବାରେ ଲାଗିଛି। ଏହି ମହାମାରୀର ସତ୍ୟତାକୁ ଲୋକଲୋଚନକୁ ଆଣିବାକୁ ଚେଷ୍ଟା କରିଥିବା ଚାଇନାର ୩୪ ବର୍ଷିୟ ଡାକ୍ତର ଲି ଓ୍ବେନଲିଆଙ୍ଗର ଶେଷରେ କରୋନା ସଂକ୍ରମଣରେ ମୃତ୍ୟୁ ହୋଇଥିବା କୁହାଯାଏ। ସେ ଗତବର୍ଷ ଚାଇନାର ଉହାନରେ କରୋନା ଭାଇରସକୁ ନେଇ ସଚେତନତା ସୃଷ୍ଟି କରିବାକୁ ଯାଉଥିବା ସୂଚନା ମିଳିଥିଲା। ହେଲେ ଗତ ଫେବୃୟାରୀ ମାସରେ ତାଙ୍କର ମୃତ୍ୟୁ ହେବା ସମସ୍ତଙ୍କୁ ଆଶ୍ଚର୍ଯ୍ୟ କରିଥିଲା। ଏବେ ତାଙ୍କ ପତ୍ନୀ ଫୁ ସୁଜେଇ ତାଙ୍କୁ ଶେଷ ଉପହାର ଦେଇଛନ୍ତି। ନିକଟରେ ଡାକ୍ତରଙ୍କ ପତ୍ନୀ ତାଙ୍କ ଦ୍ୱିତୀୟ ସନ୍ତାନକୁ ଜନ୍ମ ଦେଇଛନ୍ତି। ଏହା ତାଙ୍କର ସ୍ବାମୀଙ୍କ ପାଇଁ ଶେଷ ଉପହାର ବୋଲି କୁହାଯାଉଛି।
