ଚୌଦ୍ୱାର,୧୯।୬(ଡି.ଏନ.ଏ):କରୋନା ସଂକ୍ରମଣକୁ ରୋକିବା ଲାଗି ଜୁନ୍ ୩୦ ଯାଏ ରାଜ୍ୟର ୧୧ଟି ଜିଲାରେ ଶନିବାର ଓ ରବିବାର ଶଟ୍ଡାଉନ ଘୋଷଣା କରାଯାଇଛି। ଏ ନେଇ ସାଧାରଣ ଲୋକେ ଶୁକ୍ରବାର ନିଜନିଜର ଆବଶ୍ୟକ ସାମଗ୍ରୀ ଯୋଗଡ଼ରେ ଲାଗିପଡିଛନ୍ତି । ମାତ୍ର ବାଟରେ ଚୌଦ୍ୱାର ପୋଲିସର ମାସ୍କ ଓ ଅନ୍ୟାନ୍ୟ କାଗଜପତ୍ର ଯାଞ୍ଚରେ ଅତିଷ୍ଠ ହୋଇପଡିଛନ୍ତି ଚୌଦ୍ୱାର ସହରବାସୀ। ଅନ୍ୟପଟେ ପୋଲିସ ତଣ୍ଡ ଆଦାୟରେ ବ୍ୟସ୍ତ ରହି କରୋନା କଟକଣାକୁ ଭୁଲି ଯାଉଥିବା ଦେଖିବାକୁ ମିଳିଛି । ଯେପରି ଲୋକଙ୍କୁ ସଚେତନ କରାଇବା। ଲୋକଙ୍କ ଭିତରେ ତଣ୍ଡ ଆଦାୟ ବେଳେ ସାମାଜିକ ଦୂରତା ଉପରେ ଗୁରୁତ୍ୱ ଦେଉ ନ ଥିବା ନେଇ ସାଧାରଣରେ ଅଭିଯୋଗ ହେଉଛି । ଏ ନେଇ କ୍ୟାମ୍ପରେ ବସିଥିବା ଅଧିକାରୀଙ୍କୁ ପଚାରିବାରୁ ସେ କହିଛନ୍ତି, ସାମାଜିକ ଦୂରତା ରକ୍ଷା କରିବା ଲୋକଙ୍କ କାମ।