ଆର୍.ଉଦୟଗିରି,୨୫ା୫(ଡି.ଏନ୍.ଏ.): କରୋନା ସଂକ୍ରମଣକୁ ରୋକିବା ପାଇଁ ଲକ୍ଡାଉନ୍ ଜାରିରହିଛି। ଏପଟେ ସରକାର ଚାଷୀ ଓ ସାଧାରଣ ଲୋକଙ୍କ ଅସୁବିଧାକୁ ନଜର ରଖି ସାପ୍ତାହିକ ହାଟରେ ପନିପରିବା ଓ ଅତ୍ୟାବଶ୍ୟକୀୟ ସାମଗ୍ରୀ ଦୋକାନ ଖୋଲିବାକୁ ଅନୁମତି ଦେଇଛନ୍ତି। ଦୋକାନୀ ଓ ଗ୍ରାହକଙ୍କ ମଧ୍ୟରେ ସାମାଜିକ ଦୂରତା, ମାସ୍କ ସର୍ବସାଧାରଣଙ୍କ ନିମନ୍ତେ ବାଧ୍ୟତାମୂଳକ ହୋଇଥିବା ବେଳେ ଗଜପତି ଜିଲା ଆର୍.ଉଦୟଗିରି ହାଟରେ କରୋନା କଟକଣାକୁ ଫୁ’ କରି ଦେଇଛନ୍ତି ଲୋକେ। ସାମାଜିକ ଦୂରତା କେହି ମାନୁ ନ ଥିବା ଦେଖିବାକୁ ମିଳିଛି। ଅନେକ ମାସ୍କ ମଧ୍ୟ ପିନ୍ଧୁ ନ ଥିବା ଦେଖିବାକୁ ମିଳିଛି। ତେବେ ପୋଲିସ କର୍ମଚାରୀମାନଙ୍କ ଉପସ୍ଥିତିରେ ଉକ୍ତ ହାଟ ହେଉଥିଲେ ମଧ୍ୟ ଲୋକେ ବେଖାତିର କରୁଛନ୍ତି। ପ୍ରଶାସନ ଏଥିପ୍ରତି ଦୃଷ୍ଟି ଦେବା ସହ ଲୋକେ ସଚେତନ ରହିବାକୁ ବୁଦ୍ଧିଜୀବୀ ମହଲରେ ଦାବି ହେଉଛି।