ଆରଡ଼ି,୨୭।୩(ଡି.ଏନ୍.ଏ.): ଭଦ୍ରକ ଜିଲା ଧାମନଗର ବ୍ଲକର ବେତାଳିଗାଁଠାରେ ଶୁକ୍ରବାର ସକାଳେ ସାପ୍ତାହିକ ହାଟ ବସିଥିଲା। ଏହି ହାଟରେ ପ୍ରବଳ ଭିଡ଼ ପରିଲକ୍ଷିତ ହୋଇଥିଲ। ଲୋକେ ସାମାଜିକ ଦୂରତା ବାବଦରେ ଜାଣି ନ ଥିବା କହିଥିବା ବେଳେ କେବଳ କିଛି ବ୍ୟକ୍ତି ମୁହଁରେ ମାସ୍କ ବାନ୍ଧିଥିଲେ ମଧ୍ୟ ଦୂରତ୍ୱ ରକ୍ଷା କରି ନ ଥିଲେ । ସତେ ଯେମିତି ଏଠାରେ କରୋନା କଟକଣା ନ ଥିଲା। ହାଟରେ ଭିଡ଼କୁ ଦେଖି ସ୍ଥାନୀୟ ବଣିକ ସଂଘର କର୍ମକର୍ତ୍ତା ଚିନ୍ତା ପ୍ରକଟ କରିବା ସହ ଏ ବିଷୟରେ ପ୍ରଶାସନ ହସ୍ତକ୍ଷେପ ଆବଶ୍ୟକ ବୋଲି ପ୍ରକାଶ କରିଛନ୍ତି। ଏତଦ୍ବ୍ୟତୀତ ଶନିବାରଠାରୁ ବାସନ୍ତୀ ପଡ଼ିଆରେ ଦୈନିକ ପରିବା, ମାଛ ଓ ମାଂସ କିପରି ମିଳି ପାରିବ ସେ ସମ୍ପର୍କରେ ସନ୍ଧ୍ୟାରେ ଧୂଷୁରୀ ଥାନା ପୋଲିସ ସହ ଆଲୋଚନା କରାଯିବ ବୋଲି ସଂଘ ସଂପାଦକ ପ୍ରତାପ ବାରିକ ଓ କୋଷାଧ୍ୟକ୍ଷ କାଶୀନାଥ ମହାନ୍ତି କହିଛନ୍ତି।
