ମାଲକାନଗିରି,୧୪ା୫ (ଡି.ଏନ୍.ଏ.)-ରାଜ୍ୟରେ କରୋନା ମହାମାରୀରେ ଯେପରି ଛାତ୍ରୀଛାତ୍ରମାନେ ସଂକ୍ରମିତ ନ ହୁଅନ୍ତି ଏହାକୁ ଦଅଟେିରେ ରଖି ସରକାର ଗତ ମାର୍ଚ୍ଚ ମାସରେ ପ୍ରଥମରୁ ନବମ ଶ୍ରେଣୀ ବୃତ୍ତି ପରୀକ୍ଷା ବାତିଲ କରି ବିଦ୍ୟାଳୟଗୁଡିକ ଛୁଟି ଘୋଷଣା କରିଥିଲେ। ମାଲକାନଗରି ଜିଲାରେ ମଙ୍ଗଳ ବିଭାଗ ଦ୍ୱାରା ପରିଚାଳିତ ବିଭିନ୍ନ ବିଦ୍ୟାଳୟ ଛାତ୍ରୀଛାତ୍ରଙ୍କୁ ନିଜ ଘରକୁ ପଠାଯାଇଥିଲା। ରାଜ୍ୟରେ ୪ର୍ଥ ଥର ପାଇଁ ଲକଡାଉନ ବୃଦ୍ଧି ହୋଇପାରେ। ବିଦ୍ୟାଳୟଗୁଡିକ ବନ୍ଦ ଥିବାରୁ ବିଦ୍ୟାଳୟରେ ଛାତ୍ରୀଛାତ୍ରଙ୍କ ପାଇଁ ଥିବା ଖଟ, ଗଦି, ସଙ୍ଗରୋଧ କେନ୍ଦ୍ରଗୁଡିକୁ ସ୍ଥାନାନ୍ତରିତ ହୋଇଛି। ସରକାର ଛାତ୍ରୀଛାତ୍ରଙ୍କ ଲାଗି ଅନଲାଇନ ଶିକ୍ଷାଦାନ ବ୍ୟବସ୍ଥା କରିଛନ୍ତି। ମାଲକାନଗିରି ପରି ଆଦିବାସୀ ଅଧ୍ୟୁଷିତ ଜିଲାର ଆଭ୍ୟନ୍ତରୀଣ ଅଞ୍ଚଳରେ ଏହା ସମ୍ଭବ ନୁହେଁ। ଛାତ୍ରୀଛାତ୍ରମାନେ ସ୍ମାର୍ଟ ଫୋନ୍ରେ ନେଟ୍ ବ୍ୟବହାର ବିଷୟରେ ଜାଣନ୍ତିନାହିଁ। ମଙ୍ଗଳ ବିଭାଗ ଅଧୀନରେ ଶିକ୍ଷା ଲାଭ କରୁଥିବା ୪୦ ହଜାରରୁ ଊଦ୍ଧ୍ୱର୍ର୍ ଛାତ୍ରୀଛାତ୍ର ଚଳିତବର୍ଷ ଅନଲାଇନ ଶିକ୍ଷାଗ୍ରହଣ କରିବା ସମ୍ଭବ ନୁହେଁ। ଏହି ଛାତ୍ରୀଛାତ୍ରଙ୍କ ଶିକ୍ଷା ଗ୍ରହଣ ଲାଗି ଅନ୍ୟ ବ୍ୟବସ୍ଥା କରା ନ ଗଲେ ଚଳିତ ଶିକ୍ଷା ବର୍ଷରେ ଉକ୍ତ ଛାତ୍ରୀଛାତ୍ରମାନେ ଶିକ୍ଷାଗ୍ରହଣରୁ ବଞ୍ଚତ୍ତ ହେବେ। ସରକାର ଏନେଇ ବିକଳ୍ପ ବ୍ୟବସ୍ଥା କରିବାକୁ ଶିକ୍ଷାବିତ, ବୁଦ୍ଧିଜୀବିମାନେ ଦାବି କରିଛନ୍ତି।