coronavirus,3d render
ପୋଲସରା,୧୨ା୫(ଡି.ଏନ.ଏ.)-ସାରା ବିଶ୍ୱକୁ ଗ୍ରାସିଛି କରୋନା। ଏଥିରେ ଗଲାଣି ୨ ଲକ୍ଷରୁ ଊର୍ଦ୍ଧ୍ୱ ଜୀବନ। କରୋନାକୁ ନେଇ କେନ୍ଦ୍ର ଓ ରାଜ୍ୟ ସରକାରଙ୍କ ତରଫରୁ ବହୁ ପ୍ରଚେଷ୍ଟା ସହ ସ୍ଥାନୀୟ ପ୍ରଶାସନ ମଧ୍ୟ ସଜାଗ ରହିଛି। ଏହା ସତ୍ତ୍ବେ ଗଞ୍ଜାମ ଜିଲାରେ ଜଣଙ୍କର ମୃତ୍ୟୁ ଘଟିଛି। ଯାହାକୁ ନେଇ କୋହଭରା କଣ୍ଠରେ କାନ୍ଦି କାନ୍ଦି ଗଣମାଧ୍ୟମ ଆଗରେ ପ୍ରକାଶ କରିଥିଲେ ମୃତକଙ୍କ ସ୍ତ୍ରୀ ଓ ଝିଅ। ଏ ଭଳି ଏକ ଘଟଣା ଦେଖିବାକୁ ମିଳିଥିଲା ଗଞ୍ଜାମ ଜିଲା ପୋଲସରା ଥାନା ଢ଼ୁଙ୍କାପଡ଼ା ସଂଗରୋଧ ଗୃହରେ। ଶୁକ୍ରବାର ସୁରଟ ଫେରନ୍ତା ଜଣେ ବ୍ୟକ୍ତିଙ୍କର ମୃତ୍ୟୁ ଘଟିଥିଲା। ପ୍ରଶାସନ ପକ୍ଷରୁ ମୃତଦେହ ନିକଟକୁ କେହି ଯାଇ ନ ଥିଲେ କି ପରିବାର ଲୋକଙ୍କୁ ଛାଡ଼ି ନ ଥିଲେ। ଯେହେତୁ କରୋନା ଭୟ ରହିଛି। ବ୍ୟକ୍ତିଙ୍କ ମୃତ୍ୟୁ ପରେ ଭାଙ୍ଗି ପଡ଼ିଛନ୍ତି ସ୍ତ୍ରୀ ସହ ୪ ଝିଅ ଓ ବୁଢ଼ୀ ମା’। ବାପା ଥିଲେ ରୋଜଗାର କରି ଦେଉଥିଲେ। ପାଠ ପଢ଼ୁଥିଲୁ, ନୂଆ ଡ୍ରେସ ପିନ୍ଧୁଥିଲୁ, ଖାଉଥିଲୁ। କରୋନା ନେଇଗଲା ବାପାଙ୍କୁ ଆମେ ବର୍ତ୍ତମାନ ଅସହାୟ। କେମିତି ଚଳିବୁ, ପଢ଼ିବୁ, ଖାଇବାକୁ ଦେବ କିଏ। ଏହିଭଳି କାନ୍ଦି କାନ୍ଦି କୋହଭରା କଣ୍ଠରେ କହିଛନ୍ତି ମୃତକଙ୍କ ୧୦ ବର୍ଷର ବଡ଼ ଝିଅ। ମୃତ୍ୟୁର ୪ ଦିନ ବିତିଲାଣି, ତଥାପି ଅସହାୟ ପରିବାରକୁ ସରକାରଙ୍କ ତରଫରୁ କିମ୍ବା ସ୍ଥାନୀୟ ପ୍ରଶାସନ ପକ୍ଷରୁ କୌଣସି ସହାୟତା ମିଳିନାହିଁ ବୋଲି କହିଥିଲେ ମଧୁପଲ୍ଲୀ ସରପଞ୍ଚ ପ୍ରତିନିଧି ବସନ୍ତ କରଣ। ପୋଲସରା ବିଧାୟକ ଶ୍ରୀକାନ୍ତ ସାହୁ ମୃତକଙ୍କ ପରିବାରକୁ ଭେଟି ୧୦ ହଜାର ଟଙ୍କା ସହାୟତା ପ୍ରଦାନ କରିଛନ୍ତି।