ଅଶଗାବାଟ୍, ୧୯।୪ (ଏଏଫ୍ପି): ସାରା ବିଶ୍ୱରେ କରୋନା ଭାଇରସର ଆତଙ୍କ ଜାରି ରହିଛି। ଅଲିମ୍ପିକ୍ ଓ ୟୁରୋକପ୍ ଫୁଟବଲ୍ ସମେତ ବହୁ ବଡ଼ ତଥା ଛୋଟ ଇଭେଣ୍ଟ ଏହି କାରଣରୁ ବାତିଲ ହୋଇଛି କିମ୍ବା ସ୍ଥଗିତ ରହିଛି। କିନ୍ତୁ ତ୍ୁର୍କମେନିସ୍ତାନରେ କଥା ଅଲଗା ହୋଇଛି। ଦର୍ଶକଙ୍କ ଦ୍ୱାରା ଖଚାଖଚ୍ ଭରା ଷ୍ଟାଡିୟମରେ ଏହି ଦେଶରେ ଫୁଟବଲ ସେସନ ଆରମ୍ଭ ହେବାକୁ ଯାଉଛି। ତୁର୍କମେନିସ୍ତାନରେ ଏପର୍ଯ୍ୟନ୍ତ କରୋନା ଭାଇରସର କୌଣସି ମାମଲା ଦେଖାଯାଇନାହିଁ। ଫଳରେ ଏଠାରେ ଦର୍ଶକଙ୍କ ଉପସ୍ଥିତିରେ ଫୁଟବଲ ସିଜନ ଆରମ୍ଭ ହେବା ନେଇ ପ୍ରାକ୍ ପ୍ରସ୍ତୁତି ଶେଷ ହୋଇଛି।
କୋଭିଡ୍-୧୯ ନେଇ ଅନ୍ୟଦେଶଗୁଡିକର ପଥ ଅନୁସରଣ କରି କେନ୍ଦ୍ର ଏସିୟାର ଏହି ଦେଶ ତୁର୍କମେନିସ୍ତାନ ୮ଟି ଦଳକୁ ନେଇ ଗଠିତ ଗତ ମାର୍ଚ୍ଚରେ ଆୟୋଜନ ହେବାକୁ ଥିବା ଲିଗ୍କୁ ସସ୍ପେଣ୍ଡ କରିଥିଲା। ତେବେ ଲିଗ୍ର ମ୍ୟାଚ୍ ଖେଳାଯାଇଥିଲା। ବିଶ୍ୱ ସ୍ବାସ୍ଥ୍ୟ ସଂଗଠନ ଓ ରାଷ୍ଟ୍ରୀୟ ଫୁଟବଲ ମହାସଂଘର ସୁପାରିସ୍ କ୍ରମେ ଏହି ଲିଗ୍କୁ ସସ୍ପେଣ୍ଡ କରାଯାଇଥିଲା। ତେବେ ବର୍ତ୍ତମାନ ଗୋଟିଏ ମାସ ପରେ ପୁଣି ଫୁଟବଲ ଟ୍ରାକ୍କୁ ଫେରିବାକୁ ଯାଉଛି। ତେବେ ଅନ୍ତଃରାଷ୍ଟ୍ରୀୟ ସମୁଦାୟ ଏ ନେଇ ଚିନ୍ତା ପ୍ରକଟ କରିଛି। ତୁର୍କମେନିସ୍ତାନ କୋଭିଡ୍-୧୯ ନେଇ ଆଦୌ ଗୁରୁତର ସହ ଗ୍ରହଣ କରୁନାହିଁ ବୋଲି କୁହାଯାଇଛି। ଆମର ଏଠାରେ କରୋନା ଭାଇରସ ଆଦୌ ନାହିଁ । ତେଣୁ ଫୁବଟଲ ସେସନ ଆରମ୍ଭ କରାଗଲେ କ୍ଷତି କ’ଣ ବୋଲି ଜଣେ ୩୪ ବର୍ଷୀୟ ଯୁବ ବ୍ୟବସାୟର ଅଶିର ୟୁସୁପୋଭ କହିଛନ୍ତି। ପୂର୍ବରୁ ତୁର୍କମେନିସ୍ତାନ ସମେତ ତାଜିକିସ୍ତାନ ଓ ବେଲାରୁଷ ମଧ୍ୟ ପେସାଦାର ଫୁଟବଲ ଲିଗ୍କୁ ସସ୍ପେଣ୍ଡ କରିଥିଲେ।