ଭୋପାଳ/ନୂଆଦିଲ୍ଲୀ, ୧୩ା୬: ମହାକାରୀ କରୋନାର ତାଣ୍ଡବ ଜାରି ରହିଥିବା ବେଳେ କିସିଂ ବାବା ଭାବେ ଜଣାଶୁଣା ମଧ୍ୟପ୍ରଦେଶର ଆସ୍ଲାମର ଆତ୍ମଘୋଷିତ ଭଗବାନ ଭୂତାଣୁ ଆକ୍ରାନ୍ତ ହୋଇ ପ୍ରାଣ ହରାଇଛନ୍ତି। ଲୋକମାନଙ୍କ ହାତକୁ କିସ୍କରି ସେ କରୋନା ରୋଗୀଙ୍କୁ ଭଲ କରିଆସୁଥିବା ଦାବି କରୁଥିଲେ। ଭକ୍ତମାନଙ୍କୁ କିସ୍ କରିବା ଦ୍ୱାରା ଅନେକେ ଭୂତାଣୁ ଆକ୍ରାନ୍ତ ହୋଇଥିଲେ। ତାଙ୍କ ସଂସ୍ପର୍ଶରେ ଆସିଥିବା ୮୫ ଜଣ ବ୍ୟକ୍ତି କରୋନାରେ ଆକ୍ରାନ୍ତ ହୋଇଥିବା ବେଳେ ୨୦୦ ଅନୁଗାମୀ କ୍ୱାରାଣ୍ଟାଇନ୍ରେ ଥଇବା ସ୍ବାସ୍ଥ୍ୟ ବିଭାଗ ପକ୍ଷରୁ ଦର୍ଶାଯାଇଛି। ଲୋକଙ୍କୁ ଭ୍ରମିତ କରି କଳାଯାଦୁ ଦେଖାଇବା ବାହାନାରେ କିସ୍ କରୁଥିବା ବାବାଙ୍କ ଗତ ୪ ତାରିଖରେ ଜୀବନ ଯାଇଥିଲା। ନାରାୟଣପୁରର ୧୩ ଅନୁଗାମୀଙ୍କୁ ମିଶାଇ ଅନେକ ଲୋକ ତାଙ୍କ ଯୋଗୁ ସଂକ୍ରମିତ ହୋଇଥିବା ନୋଡ଼ାଲ ଅଧିକାରୀ ଡାକ୍ତର ପ୍ରମୋଦ ପ୍ରଜାପତି ପ୍ରକାଶ କରିଛନ୍ତି। ପ୍ରକାଶଥାଉ କି, ଆସ୍ଲମ୍ ଜିଲାରେ ଏବେ ୪୬ ଆକ୍ଟିଭ୍ ମାମଲା ଦେଖିବାକୁ ମିଳିଥିବା ବେଳେ ୪ ଜଣ ପ୍ରାଣ ହରାଇଛନ୍ତି।
