ନଏଡ଼ା : କରୋନା ଭାଇରସ ସଂକ୍ରମଣକୁ ରୋକିବାକୁ ଏବେ ସରକାରୀ ଓ ବେସରକାରୀ ସ୍ତରରେ ବିଭିନ୍ନ ପ୍ରକାର ପଦକ୍ଷେପ ନିଆଯାଉଛି। ଏମିତିକି କିଛି ରାଜ୍ୟରେ କେତେକ ସହରକୁ ସମ୍ପୂର୍ଣ୍ଣ ବନ୍ଦ କରାଗଲାଣି। ଏହାକୁ ଦେଖି ନଏଡ଼ାରେ ଜଣେ କୁନି ଝିଅ ଏମିତି କାମ କରିଛନ୍ତି ଯାହାକୁ ସମସ୍ତେ ପ୍ରଶଂସା କରୁଛନ୍ତି। ଏହି ଝିଅର ଏକ ଭିଡିଓ ଏବେ ଭାଇରାଲ ହେବାରେ ଲାଗିଛି। ପିଲାଟି ଲିପ୍ଟରେ ଏକ ଥର୍ମକୁଲ ସିଟ୍ ଉପରେ କିଛି ଟୁଥ୍ପିକ୍ ଲଗାଇ ଦେଇଥିବା ଦେଖାଯାଇଛି। ଅର୍ଥାତ୍ ଲିପ୍ଟରେ ଯାଉଥିବା ଲୋକେ ଲିପ୍ଟର ବଟମ୍ ଗୁଡିକୁ ସିଧାସଳଖ ଭାବେ ଅନ୍ ନ କରି ଟୁଥ୍ ପିକ୍ ଜରିଆରେ ଅନ୍ କରିବାକୁ ପରାମର୍ଶ ଦିଆଯାଇଛି। କେବଳ ସେତିକି ନୁହେଁ ଏହା ପାଖରେ ଛୋଟ ଡବାଟିଏ ମଧ୍ୟ ଲଗାଇ ଦିଆଯାଇଛି। ଯେଉଁଥିରେ ବ୍ୟବହାର ହୋଇଥିବା ଟୁଥ୍ପିକ୍କୁ ପକାଇ ହେବ। ପିଲାଟିର ଏହି କାମକୁ ସମସ୍ତେ ପ୍ରଶଂସା କରିବା ସହ ଏହାର ଏକ ଭିଡ଼ିଓ ଏବେ ସୋସିଆଲ ମିଡିଆରେ ଭାଇରାଲ ହେଉଛି।