ଗଞ୍ଜାମ, ୫।୪(ଡି.ଏନ୍.ଏ.): ସାରା ଦେଶରେ କରୋନା ଭୂତାଣୁ ବ୍ୟାପିବା ପରେ ଗତ ଦେଢ଼ ମାସରୁ ଊର୍ଦ୍ଧ୍ୱ ହେବ ଏହାକୁ ନେଇ ସମସ୍ତେ ଚିନ୍ତିତ ହୋଇପଡ଼ିଛନ୍ତି। କରୋନା ଭୂତାଣୁ ସରକାର ଓ ପ୍ରଶାସନର ନିଦ ହଜାଇ ସାରିଲାଣି। ବିଭିନ୍ନ ସ୍ତରରେ ଲୋକଙ୍କୁ ସଚେତନ କଲେ ସୁଦ୍ଧା ଫଳପ୍ରଦ ହେଉନି। ଏଥିପାଇଁ ସରକାର ଲକ୍ଡାଉନ୍ ଘୋଷଣା କରିଛନ୍ତି l ତଥାପି ଲୋକେ ଏହାକୁ ମାନ ନ ଥିବା ଦେଖିବାକୁ ମିଳିଛି। ଲକ୍ଡାଉନ୍ ଘୋଷଣା ପରେ ଗଞ୍ଜାମ ସହରର କିଛି ଅସାଧୁ ବ୍ୟବସାୟୀ ରାସନ ସାମଗ୍ରୀ କଳାବଜ଼ାରି କରୁଥିବା ଅଭିଯୋଗ ହୋଇଛି l ପ୍ରତ୍ୟେକ ଜିନିଷକୁ ଚଢ଼ା ଦରରେ ବିକ୍ରି କରୁଛନ୍ତି। ଦୋକାନୀମାନେ ଅତ୍ୟାବଶ୍ୟକ ସାମଗ୍ରୀ ତଥା ତେଲ, ବାଟୁଳା, ଡାଲି ଆଦି କିଲୋ ପିଛା ୧୦ ଟଙ୍କା ଅଧିକ ନେଉଥିବା ଜଣେ ବ୍ୟକ୍ତି ଅଭିଯୋଗ କରିଛନ୍ତି। ଏହି ସମୟରେ ପ୍ରଶାସନ ନିରବଦ୍ରଷ୍ଟା ସାଜିଥିବା ବେଳେ ଏନେଇ ଅବଗତ କରାଇଲେ ମଧ୍ୟ କୌଣସି ସୁଫଳ ମିଳୁନି ବୋଲି ସେ କହିଛନ୍ତି। ଏ ଘଟଣା ବାବଦରେ ବିଡିଓ ଜ୍ୟୋତି ଶଙ୍କର ରାୟଙ୍କୁ ପଚାରିବରୁ ସେ ମଧ୍ୟ ଏହାକୁ ସ୍ବୀକାର କରିବା ସହ କହିଛନ୍ତି, ଧରା ପଡିଲେ ବ୍ୟକ୍ତିଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ।
