ନୂଆଦିଲ୍ଲୀ,୨୬।୩: ସାରା ପୃଥିବୀ କରୋନା ଆତଙ୍କରେ ରହିଛି। ଏପରି ସ୍ଥଳେ ଭାରତ ସରକାରଙ୍କ ପକ୍ଷରୁ ୨୧ ଦିନିଆ ଲକ୍ ଡାଉନ୍ ଜାରି କରାଯିବା ସହିତ ବିଭିନ୍ନ ବ୍ୟବସାୟିକ ସଂସ୍ଥାର ଦୈନଦିନ କାର୍ଯ୍ୟକୁ ବନ୍ଦ କରିବାକୁ ନିଷ୍ପତ୍ତି ଗ୍ରହଣ କରିଛନ୍ତି। ଫଳରେ ବହୁ ବ୍ୟବସାୟିକ ସଂସ୍ଥା, ଶପିଂ ମଲ୍ ଆଦିର କାରବାରରେ ବାଧା ଉପୁଜିଛି। ଏପରିସ୍ଥଳେ ଆର୍ଥିକ ସ୍ଥିତିକୁ ଦୃଷ୍ଟିରେ ରଖି ଜୋମାଟୋ ପକ୍ଷରୁ ଏହାର କର୍ମଚାରୀଙ୍କ ଦରମା କାଟ୍ କରାଯାଇଛି। କାରବାର ଆଶା ଜନକ ନ ଥିବାରୁ କମ୍ପାନୀ ଏଭଳି ପଦକ୍ଷେପ ଗ୍ରହଣ କରିଥିବା ଜୋମାଟୋ ସିଇଓ ଦିପିନ୍ଦର ଗୋଏଲ ଟୁଇଟ୍ କରି ସୂଚନା ଦେଇଛନ୍ତି। ଏଭଳି ସଙ୍କଟ ଜନକ ସ୍ଥିତିର ମୁକାବିଲା ଲାଗି କମ୍ପାନୀ ପକ୍ଷରୁ କେତେକ ଯୋଜନା ଉପରେ ଗୁରୁତ୍ୱାରୋପ କରାଯାଇଥିବା ସେ କହିଛନ୍ତି।