ମୁମ୍ବାଇ: ବଲିଉଡ୍ ଭାଇଜାନ୍ ସଲମାନ ଖାଁ କରୋନା ଭାଇରସ ଥିମ୍କୁ ନେଇ ଏକ ଗୀତ ରିଲିଜ କରିବେ ବୋଲି ସୂଚନା ଦେଇଛନ୍ତି। ୫୪ ବର୍ଷୀୟ ଏହି ଅଭିନେତା ଇନଷ୍ଟାଗ୍ରାମ ମାଧ୍ୟମରେ ଏହି ସୂଚନା ଦେବା ସହ ଗୀତର ଏକ ଟିଜର ମଧ୍ୟ ଶେୟାର କରିଛନ୍ତି। ଟିଜରର ଆରମ୍ଭରେ ସଲମାନ ପ୍ରଥମେ ସମସ୍ତଙ୍କୁ ନମସ୍କାର ଜଣାଇବା ସହ ସଲାମ କରୁଛନ୍ତି। ଏଥିରେ ମ୍ୟୁଜିକ ପ୍ଲେ ହେବା ପରେ ସଲମାନ ଗାଉଛନ୍ତି, ‘ପ୍ୟାର କରୋନା , ଏତିହାଦ କରୋନା’ (ସ୍ପ୍ରେଡ ଲଭ, ଷ୍ଟେ ୟୁନାଇଟେଡ)। ଗୋଟିଏ ଦିନ ପରେ ଏହା ରିଲିଜ୍ ହେବ ବୋଲି ସଲମାନ ସୂଚନା ଦେଇଛନ୍ତି। ଏହି ଗୀତକୁ ସାଜିଦ-ଓ୍ବାଜିଦ କମ୍ପୋଜ କରିଥିବା ବେଳେ ସଲମାନ ଓ ହୁସେନ ଦଲାଲ ଏହାକୁ ରଚନା କରିଛନ୍ତି। ଏହା ସଲମାନଙ୍କ ୟୁଟ୍ୟୁବ ଚ୍ୟାନେଲରେ ସୋମବାର ରିଲିଜ ହେବ ବୋଲି ସେ କହିଛନ୍ତି।