ନୂଆଦିଲ୍ଲୀ,୨୫ା୩(ପି.ଟି.)- କୋଭିଡ-୧୯ କାରଣରୁ ସ୍ପୋଟ୍ସ ଅଥରିଟି ଅଫ୍ ଇଣ୍ଡିଆ (ସାଇ) ସେଣ୍ଟରକୁ ପୂରା ବନ୍ଦ କରାଯାଇଛି। ଫଳରେ ଭାରତୀୟ ହକି ଖେଳାଳିମାନେ ପର୍ଯ୍ୟାପ୍ତ ପରିମାଣର ସମୟ ପାଇଛନ୍ତି। ସମୟ ବିତାଇବା ପାଇଁ ଏମାନେ ଇଂଲିଶ ଭାଷା ଶିକ୍ଷା କରୁଛନ୍ତି ଓ ବହି ପଢୁଛନ୍ତି। କେବଳ ସେତିକି ନୁହଁ ଖେଳାଳିମାନେ ସେମାନଙ୍କ ଫେଭରାଇଟ୍ ମୁଭି ମଧ୍ୟ ଦେଖୁଛନ୍ତି।
ଭାରତୀୟ ମହିଳା ଓ ପୁରୁଷ ହକି ଦଳ ଏବେ ବେଙ୍ଗାଲୁରୁ ସ୍ଥିତ ସାଇ ସେଣ୍ଟରରେ ଅଭ୍ୟାସ କରୁଛନ୍ତି। ତେବେ କରୋନା ଭାଇରସ୍ କାରଣରୁ କୌଣସି ଅବାଞ୍ଚିତ ବ୍ୟକ୍ତିଙ୍କୁ ସେଣ୍ଟର ଭିତରକୁ ପୂରାଇ ଦିଆଯାଉ ନାହିଁ। ଖେଳାଳିମାନେ କଠିନ ପରିଶ୍ରମ ଜାରି ରଖିଛନ୍ତି। ଅଭିଜ୍ଞ ଗୋଲକିପର ପି.ଆର. ଶ୍ରୀଜେସ ବହି ପଢୁଛନ୍ତି। ରବିବାର ଓ ବୁଧବାର ସନ୍ଧ୍ୟାରେ ଆମେ ଯଥେଷ୍ଟ ସମୟ ପାଉଛୁ। ଫିଟନେସ ଓ ରିକଭରୀ ଉପରେ ଆମେ କାର୍ଯ୍ୟ କରୁଛୁ। ସେହିପରି ମନଦୀପ ସିଂ ସ୍ପୋକନ ଇଂଲିଶ ଉପରେ କାର୍ଯ୍ୟ କରୁଛନ୍ତି। ଦଳର ଆନାଲିଟିକାଲ କୋଚ୍ କ୍ରିସ୍ ସିରିଏଲୋ ସପ୍ତାହରେ ଥରେ ଇଂଲିଶ କ୍ଲାସ ନେଉଛନ୍ତି। ଭାରତୀୟ ମହିଳା ଖେଳାଳିମାନେ ମଧ୍ୟ ସାମାଜିକ ଦୂରତା ରକ୍ଷାକୁ ଗୁରୁତ୍ୱ ଦେଉଛନ୍ତି। ବ୍ୟୟାମ କରିବା ପୂର୍ବରୁ ଆମେ ଜିମ୍କୁ ସାନିଟାଇଜ କରୁଛୁ ବୋଲି ନବନୀତ କୌର କହିଛନ୍ତି। ଗତ ସପ୍ତାହରେ ଆମେ ପାନିପଥ, ପ୍ୟାର କା ପଞ୍ଚନାମା ଓ ଓ୍ବାର ଭଳି ସିନେମା ମିଟିଂ ରୁମ୍ରେ ଦେଖି ବେଶ୍ ମଜା ନେଇଥିଲୁ ବୋଲି ସେ କହିଛନ୍ତି।