ଛେଣ୍ଡିପଦା,୮ା୫(ସ୍ବ.ପ୍ର.) : ସାମ୍ପ୍ରତିକ ପରିସ୍ଥିତିରେ କରୋନା ସଂକ୍ରମଣ ମୁକାବିଲା ନିମନ୍ତେ ପ୍ରଶାସନ ପକ୍ଷରୁ ସମସ୍ତ ପ୍ରକାର ପଦକ୍ଷେପ ନିଆଯାଉଥିବା ବେଳେ ଲୋକଙ୍କ ମନରେ ସଚେତନତା ଓ କୋଭିଡ-୧୯ ନିୟମକୁ ମାନି ଚଳିବା ପାଇଁ ଛେଣ୍ଡିପଦା ଥାନା ଅଧିକାରୀ କନକ ମାଝିଙ୍କ ନେତୃତ୍ୱରେ ଶୁକ୍ରବାର ଛେଣ୍ଡିପଦା ପୋଲିସ ପକ୍ଷରୁ ଫ୍ଲାଗ୍ମାର୍ଚ୍ଚ କରାଯାଇଛି। ଏହି ଫ୍ଲାଗ ମାର୍ଚ୍ଚ ବାଗଡିଆ ଧର୍ମଶାଳାଠାରୁ ଆରମ୍ଭ ହୋଇ ବାଗଡିଆ ବଜାର, ବସଷ୍ଟାଣ୍ଡ ଛକ, ଖମାର ବଜାର ଓ ଖମାର ମନ୍ଦିର ଛକରେ ସମାପ୍ତ ହୋଇଥିଲା। ଏହି ଫ୍ଲାଗ୍ମାର୍ଚ୍ଚ ୩ କିମି ପର୍ଯ୍ୟନ୍ତ କରାଯିବା ସହିତ ଡାକବାଜି ଯନ୍ତ୍ର ସାହାଯ୍ୟରେ କୋଭିଡ ନିୟମ ମାନି ଚଳିବା ପାଇଁ ଜନସାଧାରଣଙ୍କୁ ସଚେତନ କରାଯାଇଥିଲା। ଏହି କର୍ଯ୍ୟକ୍ରମରେ ଛେଣ୍ଡିପଦା ଥାନା ଏସ୍ଆଇ ପ୍ରତାପ ଚନ୍ଦ୍ର ଦଳେଇ,ଏଏସ୍ଆଇ ରମେଶ ପ୍ରଧାନ, ହରିହର ପ୍ରଧାନ,ବାଗଡିଆ ଫାଣ୍ଡି ଅଧିକାରୀ ଏସ୍ଆଇ ଅବଦୁଲ ୱାସିମ୍ ଖାନଙ୍କ ସମେତ ୪୦ରୁ ଊଦ୍ଧର୍ବ ଅଧିକାରୀ ସାମିଲ ଥିଲେ।