PTI30-03-2020_000029B
ନୂଆଦିଲ୍ଲୀ,୨୫।୪: ଦେଶରେ ଜାରି ରହିଥିବା କରୋନା ସଙ୍କଟ ଜାରି ରହିଛି। ସୁରକ୍ଷାକୁ ଦୃଷ୍ଟିରେ ରଖି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦେଶବ୍ୟାପୀ ଲକ୍ଡାଉନ୍ ଜାରି କରିଛନ୍ତି। ଲକ୍ ଡାଉନ୍ରେ ସାଧାରଣ ଲୋକେ ଘରେ ଥିବାବେଳେ କରୋନା ଯୋଦ୍ଧା କୁହାଯାଉଥିବା ଭାରତୀୟ ସେନା କର୍ମଚାରୀ ଏବଂ ପୋଲିସ ବାହାରେ ମୁତୟନ ହୋଇଛନ୍ତି। ଏବେ ସେମାନଙ୍କ ମଧ୍ୟରେ ଧୀରେଧୀରେ ସଂକ୍ରମଣ ବଢିବାରେ ଲାଗିଛି। ଦିଲ୍ଲୀର ୯ ଜଣ ସିଆର୍ପିଏଫ୍ ଯବାନଙ୍କ ନମୁନା ପରୀକ୍ଷଣ କରୋନା ପଜିଟିଭ୍ ଆସିଛି। ସେମାନେ ସିଆର୍ପିଏଫ୍ ୩୧-ବି ବାଟାଲିୟନ୍ର ଯବାନ। ସୁରକ୍ଷା ଦୃଷ୍ଟିରୁ ୫୦ ଜଣଙ୍କୁ କ୍ୱାରାଣ୍ଟାଇନ୍ରେ ରଖାଯାଇଛି। ସେହିପରି ଗୁଜରାଟର ଅହମଦାବାଦରେ ୪୬ ପୋଲିସଙ୍କ ନମୁନା କରୋନା ପଜେଟିଭ୍ ଆସିଛି। ସୁରକ୍ଷା ଦୃଷ୍ଟିରୁ ଏଠାରେ ୨୦୦ ପୋଲିସ କର୍ମଚାରୀଙ୍କୁ ଘରେ କ୍ୱାରାଣ୍ଟାଇନ୍ କରାଯାଇଛି। ଇତିମଧ୍ୟରେ ସେମାନଙ୍କ ମଧ୍ୟରୁ ୧୧ ଜଣ ସୁସ୍ଥ ହୋଇସାରିଛନ୍ତି। ତାମିଲନାଡୁର କୋୟମ୍ବାଟୁର ୭ ପୋଲିସଙ୍କ ରିପୋର୍ଟ ପଜିଟିଭ୍ ଆସିଛି। ଭୋପାଳରେ ୩୪ ପୋଲିସ କର୍ମଚାରୀଙ୍କଠାରେ କରୋନା ସଂକ୍ରମଣ ଚିହ୍ନଟ ହୋଇଛି। ପଶ୍ଚିମବଙ୍ଗରେ ୯ ଜଣ ଆର୍ପିଏଫ୍ ଯବାନଙ୍କ ନମୁନା ପରୀକ୍ଷଣ ରିପୋର୍ଟ କରୋନା ପଜିଟିଭ୍ ଆସିଛି। ଏହି ଯବାନମାନେ ଦିଲ୍ଲୀ ଯାତ୍ରା କରିଥିବା ରେଳ ବିଭାଗ ପକ୍ଷରୁ କୁହାଯାଇଛି।