କରୋନା ବିରୋଧରେ ଚାଲିଥିବା ଲଢ଼େଇରେ ଦେଶବାସୀ ତଥା ସରକାରଙ୍କୁ ଆର୍ଥିକ ସାହାଯ୍ୟ କରିବାକୁ ଆଗେଇ ଆସିଛନ୍ତି ଅନେକ ବଲିଉଡ୍ କଳାକାର। ଏହି ତାଲିକାରେ ସାମିଲ ହୋଇଛନ୍ତି ଆଉ ଜଣେ ଅଭିନେତ୍ରୀ। ସେ ହେଲେ ଅଭିନେତ୍ରୀ ଉର୍ବଶୀ ରୌତେଲା। ଉର୍ବଶୀ ୫ କୋଟି ଟଙ୍କାର ସହାୟତା କରିଛନ୍ତି।
କରୋନା ସହାୟତା ପାଇଁ ନିକଟରେ ଉର୍ବଶୀ ସୋସିଆଲ ମିଡିଆ ଇନ୍ଷ୍ଟାଗ୍ରାମ୍ରେ ଅନ୍ଲାଇନ୍ ଡ୍ୟାନ୍ସ କ୍ଲାସ ଆରମ୍ଭ କରିଥିଲେ। ଏହି ଡ୍ୟାନ୍ସ କ୍ଲାସରେ ୧୮ କୋଟି ଲୋକ ଯୋଡି ହୋଇଥିବା ବେଳେ ଉର୍ବଶୀ ୫ କୋଟି ଟଙ୍କା ଆୟ କରିଥିଲେ। ଏହି ଟଙ୍କାକୁ ସେ କ୍ରାଇ ଓ ସ୍ବଦେଶ ଫାଉଣ୍ଡେଶନକୁ ଦେଇଛନ୍ତି। ଏହି ଫାଉଣ୍ଡେଶନ ଦ୍ୱୟ କରୋନାର ଫ୍ରଣ୍ଟଲାଇନ ଓ୍ବାର୍କର୍ସ ପାଇଁ କାମ କରୁଛି। ଅନ୍ଲାଇନ୍ରେ ଉର୍ବଶୀ ଜୁମ୍ବା, ଟବାଟା ଓ ଲାଟିନ ନୃତ୍ୟ ଶିଖାଇଛନ୍ତି।
