ନୂଆଦିଲ୍ଲୀ,୩୦।୪: କରୋନା ଭାଇରସ ସଂକ୍ରମଣ ଏବେ ସାରା ବିଶ୍ୱରେ ଏକ ଭୟର ବାତାବରଣ ସୃଷ୍ଟି କରିଛି। ଏହି ମାହାମାରୀ କବଳରେ ଏବେ ସାରା ବିଶ୍ୱ। କରୋନା ସଂକ୍ରମିତଙ୍କୁ ଛୁଇଁଲେ ଏହା ବ୍ୟାପିଥାଏ ବୋଲି ଧାରଣ ରହିଛି। ହେଲେ ନିକଟରେ କରାଯାଇଥିବା ଏକ ଗବେଷଣାରୁ ଜଣାପଡିଛି କି କରୋନା ଭାଇରସରେ ସଂକ୍ରମିତ ଥିବା ବ୍ୟକ୍ତିଙ୍କ ସଂସ୍ପର୍ଶରେ ଆସୁଥିବା ସବୁ ଲୋକଙ୍କୁ କରୋନା ଭୟ ନ ଥାଏ। ଉକ୍ତ ଗବେଷଣା କହୁଛି ଜଣେ କରୋନା ସଂକ୍ରମିତଙ୍କ ସହ ଏକାଠି ରହିବା, ଏକାଠି ଖାଇବା ଓ ଏକାଠି ଯାତ୍ରା କରିବାରେ ରୋଗ ସଂକ୍ରମଣ କରିବାର ଭୟ ଅଧିକ ରହିଛି। ଲାନସେଟରେ ପ୍ରକାଶିତ ଏକ ଗବେଷଣାରେ ଏହା ଦାବି କରାଯାଇଛି। ଏହା ଚାଇନାର ସେନଜେନରେ ଥିବା ସେଣ୍ଟର ଫର୍ ଡିଜିଜ କଣ୍ଟ୍ରୋଲ(ସିଡିସି) ଦ୍ୱାରା ଜାନୁୟାରୀ ୧୨-୧୪ ମଧ୍ୟରେ କରାଯାଇଥିବା ଗବେଷଣା। ଯେଉଁ ସମୟରେ ସେନଜେନରେ ୩୯୧ କରୋନା ସଂକ୍ରମିତଙ୍କୁ ଚିହ୍ନଟ କରାଯାଇଥିଲା ସେହି ସମୟରେ ଏହି ଗବେଷଣା କରାଯାଇଥିବା କୁହାଯାଉଛି। ଏହି ସଂକ୍ରମିତଙ୍କ ସହ ମିଶିଥିବା ଲୋକଙ୍କ ଉପରେ ଅଧ୍ୟୟନ କରାଯାଇ ଏପରି ତଥ୍ୟ ଦିଆଯାଇଛି। ଏହାସହ ଆଉକିଛି କାରଣ ରହିଛି ବୋଲି ମଧ୍ୟ ଗବେଷକମାନେ କହିଛନ୍ତି। ବର୍ଦ୍ଧମାନ ମହାବୀର ମେଡିକାଲ କଲେଜର ଗବେଷକଙ୍କ ମତରେ କରୋନା ସଂକ୍ରମିତ ବ୍ୟକ୍ତି ରହୁଥିବା ଘରେ କେତେଜଣ ରହୁଛନ୍ତି। ଅର୍ଥାତ୍ ସ୍ଥାନ ଆକାରରେ କେତେଲୋକ ବସବାସ କରୁଛନ୍ତି। ଏମାନଙ୍କ ମଧ୍ୟରେ କେହି ବରିଷ୍ଠ ନାଗରିକ ଅଛନ୍ତି କି ନା। କେହି ଅନ୍ୟ କୌଣସି ରୋଗରେ ପୀଡ଼ିତ କି ନା ସେ ଦିଗ ପ୍ରତି ମଧ୍ୟ ଧ୍ୟାନ ଦେବା ଜରୁରୀ। କାରଣ ଏପରି ଥିଲେ କରୋନା ସଂକ୍ରମଣ ବ୍ୟାପିବାର ଆଶଙ୍କା ଅଧିକ ବୋଲି ସେମାନେ କହିଛନ୍ତି।