ମୁମ୍ବାଇ,୨୦।୪: କୋଭିଡ୍-୧୯ ଯୋଗୁ ବର୍ତ୍ତମାନ ଉପୁଜିଥିବା ସ୍ଥିତିକୁ ନିୟନ୍ତ୍ରଣ କରିବା ଲାଗି ସୁଚିନ୍ତିତ ପଦକ୍ଷେପ ଲୋଡ଼ା ରହିଛି। କରୋନା ବିରୋଧରେ ଲଢ଼େଇ କେବଳ ସରକାରଙ୍କ କାମ ନୁହେଁ। ପ୍ରତି ବ୍ୟକ୍ତି ବିଶେଷଙ୍କ ଯୋଗଦାନ ଏ କ୍ଷେତ୍ରରେ ଜରୁରୀ ହୋଇ ପଡିଛି ବୋଲି ସାହାରା ଗ୍ରୁପ୍ ଅଧ୍ୟକ୍ଷ ସୁବ୍ରତ ରୟ ରବିବାର ଏହା କହିଛନ୍ତି। ବିଶ୍ୱର ସ୍ଥିତିକୁ ସଙ୍କଟାପନ୍ନ କରିଥିବା ଏହି ମହାମାରୀ ବିରୋଧରେ ଲଢିବା ଲାଗି ବ୍ୟକ୍ତି ଲୋକଙ୍କର ସମାନ ଉତ୍ତରଦାୟିତ୍ୱ ରହିଛି। ଏହି ଲଢ଼େଇ ସମଗ୍ର ମାନବ ଜାତିର। ଏଥିରେ ପ୍ରତି ବ୍ୟକ୍ତି ଜଣେ ଜଣେ ଯୋଦ୍ଧା। ଏହି ଲଢ଼େଇରେ ଲୋକମାନେ ଯୋଗଦାନ ରଖିଲେ ଭାରତ ନିଶ୍ଚିତ ପକ୍ଷେ ବିଜୟୀ ହେବ ବୋଲି ସେ ଆଶାବାଦୀ ଥିବା କହିଛନ୍ତି। ସାମାଜିକ ଦୂରତ୍ୱ ରକ୍ଷା ସହ ସରକାର କହିଥିବା ବିଭିନ୍ନ ନିୟମ ମାନିବାକୁ ସେ ଲୋକଙ୍କୁ ନିବେଦନ କରିଛନ୍ତି।
