ଭୁବନେଶ୍ୱର,୨୫।୪:କରୋନା ଲଢ଼େଇରେ ଡବ୍ଲ୍ୟୁଏଫ୍ଏଫ୍ ଇଣ୍ଡିଆ ପକ୍ଷରୁ ଯୋଗଦାନ ରଖାଯାଇଛି। ସ୍ମାର୍ଟ ଚିପ୍ ପ୍ରାଇଭେଟ ଲିମିଟେଡ୍ର ମିଳିତ ସହଯୋଗରେ ଡବ୍ଲ୍ୟୁଏଫ୍ଏଫ୍ ଇଣ୍ଡିଆ ପକ୍ଷରୁ ଗଞ୍ଜାମର ପୋଡ଼ମପେଟା, ଗୋଖୁରକୁଦା ଏବଂ ପୁରୁଣାବନ୍ଧ ଗ୍ରାମବାସୀଙ୍କୁ ହ୍ୟାଣ୍ଡ ସାନିଟାଇଜର, ଶିଶୁ ଖାଦ୍ୟ, ଗ୍ରସେରି ସାମଗ୍ରୀ ପ୍ରଦାନ କରାଯାଇଛି। ଜିଲା ପ୍ରଶାସନର ପ୍ରକ୍ରିୟା ଅନୁସାରେ ବିଡିଓଙ୍କ ସହଯୋଗ କ୍ରମେ ଗ୍ରାମବାସୀଙ୍କ ନିକଟରେ ପହଞ୍ଚି ସାମଗ୍ରୀ ବଣ୍ଟନ କରାଯାଇଥିଲା। କରୋନା ଏହି ଗ୍ରାମଗୁଡିକରେ ଜୀବିକାକୁ ପ୍ରଭାବିତ କରିଥିବାରୁ ଲୋକମାନେ ଏବେ ଅସୁବିଧା ସାମ୍ନା କରୁଛନ୍ତି।