ପଦ୍ମପୁର, ୨ା୪ (ଡି.ଏନ.ଏ.)-ବାସୁଦେବପୁର ବ୍ଲକ ଅଧୀନ ସୁଗୋ ପଞ୍ଚାୟତର ବାସନ୍ତୀ କ୍ଲବର ସଦସ୍ୟମାନେ ବୁଧବାର କରୋନା ସଂକ୍ରମଣରୁ ରକ୍ଷା ପାଇବା ପାଇଁ ଗ୍ରାମବାସୀଙ୍କୁ ୧୫୦୦ ଶହ ସାବୁନ୍ ବଣ୍ଟନ କରିଛନ୍ତି। ଏଥିସହ ସାମାଜିକ ଦୂରତା ବଜାୟ ରଖିବା ସହ ପରିଷ୍କାର ପରିଚ୍ଛନ୍ନତା ରକ୍ଷା ପାଇଁ ଲୋକମାନଙ୍କୁ ସଚେତନ କରାଇଛନ୍ତି। କ୍ଲବର ନିତ୍ୟାନନ୍ଦ ରାଉତ, ଉପେନ୍ଦ୍ର କୁମାର ଦଳାଇ, ଜ୍ଞାନରଞ୍ଜନ ବାରିକ, ଟିଟୋ ଜେନା ପ୍ରମୁଖ କାର୍ଯ୍ୟକ୍ରମକୁ ପରିଚାଳନା କରିଛନ୍ତି। ସେହିପରି ଏଡ଼ତାଳଠାରେ ଗ୍ରାମବାସୀ ସରପଞ୍ଚଙ୍କ ସହ ମିଶି ବୃଦ୍ଧାବୃଦ୍ଧଙ୍କୁ ଚିହ୍ନଟ କରିବା ସହ ୨ଶହ ମାସ୍କ ବଣ୍ଟନ କରିଛନ୍ତି। ସରପଞ୍ଚ ଜୟକୃଷ୍ଣ ନାୟକ, ଗ୍ରାମବାସୀ ଅଭିମନ୍ୟୁ ପଲେଇ, ଅଜିତ ମହାରଣା, ରବୀନ୍ଦ୍ର ମହାପାତ୍ର, ହେପି ମହାପାତ୍ର, ରତିକାନ୍ତ ମଳିକ ପ୍ରମୁଖ ସହାୟତା ପ୍ରଦାନ କରିଛନ୍ତି।