ନୂଆଦିଲ୍ଲୀ,୨୭।୪: କରୋନା ସଂକ୍ରମଣ ନେଇ ଭାରତରେ ସ୍ଥିତି ସଙ୍କଟ ଜନକ ହେବାରେ ଲାଗିଛି। ଏପରିସ୍ଥଳେ ସଂକ୍ରମିତଙ୍କୁ ଚିହ୍ନଟ ପାଇଁ ଚାଇନାରୁ ଆସିଥିବା ଟେଷ୍ଟ୍ କିଟ୍ ବିକ୍ରିରେ ଆମଦାନୀକାରୀ ୧୪୫ ପ୍ରତିଶତ ଲାଭ ନେଇଥିବା କୁହାଯାଉଛି। ଚାଇନାରୁ ଏହି କିଟ୍ ୨୪୫ ଟଙ୍କାରେ କିଣା ଯାଇଥିବାବେଳେ ଭାରତୀୟ ମେଡିକାଲ ରିସର୍ଚ୍ଚ ପରିଷଦ(ଆଇସିଏମ୍ଆର୍)କୁ ଏହା ୬୦୦ ଟଙ୍କାରେ ବିକ୍ରି କରାଯାଇଛି। ଆଇସିଏମ୍ଆର୍ ପକ୍ଷରୁ ୫ ଲକ୍ଷ କିଟ୍ ଲାଗି ଅର୍ଡର ଦିଆଯାଇଥିଲା। ଏହି ଖବର ଜଣାପଡ଼ିବା ପରେ ଦିଲ୍ଲୀ ହାଇକୋର୍ଟ ଏହାର ବିଚାର କରି କିଟ୍କୁ ୪୦୦ ଟଙ୍କାରେ ବିକ୍ରି କରିବାକୁ ନିର୍ଦ୍ଦେଶ ଦିଆଯାଇଛି। ଏହାଦ୍ୱାରା ମଧ୍ୟ ବିତରକଙ୍କର ୬୧ ପ୍ରତିଶତ ଲାଭ ହେଉଥିବା ବିଚାରପତି ନାଜ୍ମି ଓ୍ବଜିରି କହିଛନ୍ତି। ର଼୍ୟାପିଡ୍ ଆଣ୍ଟିବଡ଼ି ଟେଷ୍ଟ୍ କିଟ୍ର ଏକମାତ୍ର ବିତରକ ଭାବେ ରେୟର ମେଟାବୋଲିକ୍ସ୍ ପକ୍ଷରୁ କିଟ୍ ଆମଦାନୀ କରିଥିବା ମେଟ୍ରିକ୍ସ୍ ଲ୍ୟାବ ବିରୋଧରେ ଏକ ଜନସ୍ବାର୍ଥ ମାମଲା ଦିଲ୍ଲୀ ସୁପ୍ରିମ୍ କୋର୍ଟରେ ଦାଖଲ କରାଯାଇଥିଲା। ସୂଚନାଯୋଗ୍ୟ, ଟେଷ୍ଟ୍ କିଟ୍ ଗୁଡ଼ିକ ଚାଇନାର ଓ୍ବାଡଫୋ ବାୟୋଟେକ୍ଠାରୁ ଆମଦାନୀ କରାଯାଇଥିଲା।
