ବରଗଡ଼ ଅଫିସ,୨୭।୩: ବରଗଡ଼ ପୌର ପରିଷଦ ଅଧୀନ ଓ୍ବର୍ଡ ନଂ.୧୬ ବ୍ରହ୍ମଚାରୀରେ ସ୍ଥାନୀୟ ଏସ୍ଏଚଜି ମହିଳାମାନେ କରୋନା ପ୍ରତିହତ ପାଇଁ ସଚେତନ କରିଛନ୍ତି । ପୂର୍ବତନ କାଉନସିଲର ଦେବାନନ୍ଦ ସାହୁଙ୍କ ତତ୍ତ୍ବାବଧାନରେ ହୋଇଥିବା ଏହି ସଚେତନତା କାର୍ଯ୍ୟକ୍ରମରେ ମହିଳାମାନେ ଘରକୁ ଘର ବୁଲି ରାଜ୍ୟ ବାହାରୁ ଆସୁଥିବା ଲୋକଙ୍କୁ ପଞ୍ଜୀକରଣ କରିବା ସହିତ ହୋମ କ୍ବାରାଣ୍ଟାଇନରେ ରହିବା, ହାତ ଧୋଇବା, ସଫାସୁତରା ରହିବା ଏବଂ ଅତି ଜରୁରୀ ନ ପଡିଲେ ଘରୁ ନ ବାହାରିବା ପାଇଁ ପରାମର୍ଶ ଦେଇଥିଲେ। ଏସ୍ଏଚ୍ଜି ପ୍ରମୁଖ ରାସେଶ୍ବରୀ ପ୍ରଧାନ, ଓ୍ବାର୍ଡ ସୁପରଭାଇଜର ପ୍ରମୋଦିନୀ ସାହୁ, ଆଶାକର୍ମୀ ପାର୍ବତୀ ମେହେର, ସ୍ବେଚ୍ଛାସେବୀ ସୀମା ହାତୀ, ଲୋଚନା ଦୋରା, ଅପର୍ଣ୍ଣା ପାଢ଼ୀ ପ୍ରମୁଖ ଏଥିରେ ସକ୍ରିୟ ଅଂଶଗ୍ରହଣ କରିଥିଲେ।
