ଜୟପୁର, ୨୪।୩(ନି.ପ୍ର.)
‘ମଦ ପିଇବି ନାଇଁ, ନାଇଁ ନାଇଁ ନାଇଁ ପିଇବି ନାଇଁ’ ଦୁରଦର୍ଶନରେ ପ୍ରସାରିତ ହେଉଥିବା ଏହି ଗୀତ ୯୦ ଦଶକରେ ବେଶ୍ ଲୋକପ୍ରିୟ ହୋଇଥିଲା। ମଦ ନ ପିଇବାକୁ ଗୀତ ମାଧ୍ୟମରେ କୋରାପୁଟ ଦାମନଯୋଡ଼ି ଅଞ୍ଚଳର ଯାଆଁଳା ଭାଇ ଶାନ୍ତି ପ୍ରକାଶ ଓ ଜ୍ୟୋତି ପ୍ରକାଶ ଲୋକମାନଙ୍କୁ ସଚେତନ କରିଥିଲେ। ଏବେ ପୁଣି ଏକ ସଚେତନତା ଧର୍ମୀ ଗୀତ ଗାଇ ଏହି ଦୁଇ ଭାଇ ଆଉ ଥରେ ଚର୍ଚ୍ଚାରେ। ପୂରା ବିଶ୍ୱ ଏବେ କରୋନା କବଳରେ। ଏଥିରୁ ବଞ୍ଚତ୍ବାକୁ ହେଲେ ସଚେତନତା ଜରୁରୀ। ଏହାକୁ ଗୀତରେ ପରିବେଷଣ କରିଛନ୍ତି ଶାନ୍ତି ଏବଂ ଜ୍ୟୋତି। ଛାନିଆ ନ ହୋଇ, ସଚେତନ ହେବାକୁ ସେମାନେ ଗୀତରେ ଶ୍ରୋତାଙ୍କୁ ଆହ୍ବାନ ଦେଇଛନ୍ତି। ଏବେ ଏହି ଗୀତ ଭିଡିଓ ଭାଇରାଲ ହେବାକୁ ଲାଗିଛି। ଅବିଭକ୍ତ କୋରାପୁଟ ଜିଲାର ଆଦିବାସୀ ଅଞ୍ଚଳରେ ଏହାର ବହୁତ ପ୍ରଭାବ ପଡିବ ବୋଲି ମତ ପ୍ରକାଶ ପାଇଛି।
