ଚୌଦ୍ୱାର,୧୮ା୪(ଡି.ଏନ୍.ଏ): କରୋନା ସଂକ୍ରମଣରୁ ରକ୍ଷା ପାଇବା ପାଇଁ କଟକ ଜିଲା ଚୌଦ୍ୱାର ଡାଳିଯୋଡା ସାହିତ୍ୟ ସଂସଦ ପକ୍ଷରୁ ପଥଚାରୀଙ୍କୁ ମାସ୍କ ବଣ୍ଟନ କରାଯାଉଛି। ୫୫ ନଂ. ଜାତୀୟ ରାଜପଥର ଚୌଦ୍ୱାର ଥାନା ସମ୍ମୁଖରେ ସଂସଦର କର୍ମକର୍ତ୍ତାମାନେ ବିନା ମାସ୍କରେ ଚଳପ୍ରଚଳ କରୁଥିବା ପଥଚାରୀ, ବାଇକ ଚାଳକ , ପୋଲିସ କର୍ମଚାରୀ ଓ ଥାନାକୁ ଆସୁଥିବା ଲୋକଙ୍କୁୁ ମାସ୍କ ପ୍ରଦାନ କରୁଛନ୍ତି। ଏଥିସହ ମାସ୍କ ବ୍ୟବହାରର ଉପକାରିତା ଓ ସାମାଜିକ ଦୂରତା ଅବଲମ୍ବନ କରିବା ଦିଗରେ ସଚେତନ କରାଉଛନ୍ତି। ସେହିପରି ବିରାଟବଜାର ଠାରେ କର୍ତ୍ତବ୍ୟରତ ପୋଲିସ କର୍ମଚାରୀ, ପଥଚାରୀ ଓ ବୁଲା ବିକାଳୀଙ୍କୁ ମଧ୍ୟ ମାସ୍କ ବଣ୍ଟନ କରିଛନ୍ତି। ଚୌଦ୍ୱାର ଥାନା ବରିଷ୍ଠ ନାଗରିକ ଆସିଷ୍ଟାଣ୍ଡ ନୋଡାଲ ଅଫିସର ରବିନ୍ଦ୍ର କୁମାର ମୁର୍ମୁ, ସଂସଦର ଶ୍ରୀନିବାସ ବେହେରା,କେ.ସି.ପ୍ରତାପ ସିଂହ,ବିଶ୍ୱକଲ୍ୟାଣ ଦାସ, କର୍ମକର୍ତ୍ତା ପ୍ରମୁଖ ସାମିଲ ହୋଇଥିଲେ।