ଛତ୍ରପୁର,୬ା୪(ଡି.ଏନ୍.ଏ.)- କରୋନା ସନ୍ଦିଗ୍ଧଙ୍କ ସଂସ୍ପର୍ଶରେ ଆସି ସେବା କରୁଥିବା ବ୍ୟକ୍ତିଙ୍କୁ ପିପିଇ (ବ୍ୟକ୍ତିଗତ ସୁରକ୍ଷା ଇକ୍ୟୁପ୍ମେଣ୍ଟ) କିଟ୍ ପ୍ରଶାସନ ପକ୍ଷରୁ ପ୍ରଦାନ କରାଯିବ। କରୋନା ସଂକ୍ରମଣ ରୋକିବା ଲାଗି ଗଞ୍ଜାମ ଜିଲା ପ୍ରଶାସନ ପକ୍ଷରୁ ଉଦ୍ୟମ ଜାରି ରହିଛି। ସନ୍ଦିଗ୍ଧଙ୍କୁ ଚିହ୍ନଟଠାରୁ ଆରମ୍ଭ କରି ମେଡିକାଲ ଓ ଆଇସୋଲଶନ ସେଣ୍ଟର ନେବା କାର୍ଯ୍ୟରେ ନିୟୋଜିତମାନେ କିଭଳି ସଂକ୍ରମଣରୁ ରକ୍ଷା ପାଇପାରିବେ ତାହା ଅତ୍ୟଧିକ ଗୁରୁତ୍ୱ ବହନ କରୁଛି। ଏଥିପାଇଁ ପ୍ରଶାସନ ଏମାନଙ୍କୁ ପିପିଇ କିଟ୍ ପ୍ରଦାନ ପାଇଁ ନିଷ୍ପତି ନେଇଛି। ପ୍ରଥମ ପର୍ଯ୍ୟାୟରେ ଆଶାକର୍ମୀ, ଅଙ୍ଗନଓ୍ବାଡି କର୍ମୀ, ସ୍ବାସ୍ଥ୍ୟକର୍ମୀ, ଆମ୍ବୁଲାନ୍ସ ଚାଳକ, ନର୍ସଙ୍କୁ ୫୦୦ ପିପିଇ କିଟ୍ ବଣ୍ଟନ ହେବ। ମିଶନ ଶକ୍ତି ଅଧୀନ ମହିଳା ସଙ୍ଘ ର ସଦସ୍ୟାମାନେ ଗଞ୍ଜାମ ଏନ୍ଏସିରେ ରାଧାକାନ୍ତ କ୍ରିଏସନରେ ସେଫ୍ଟି ଗାଉନ ସିଲେଇ କରୁଛନ୍ତି। ଉକ୍ତ କିଟ୍ରେ ମାସ୍କ, ହେଲମେଟ, ଗ୍ଲୋବ୍ସ, ସକ୍ସ ଓ ଗାଉନ ରହିଛି।