ବିଜେପିର, ୧୧।୪(ଡି.ଏନ୍.ଏ.): କରୋନା କଟକଣା ପାଇଁ ଲକ୍ଡାଉନ ଜାରି ରହିଛି। ତେଣୁ ନିର୍ମାଣ ଶ୍ରମିକମାନେ ହାତ ବାନ୍ଧି ଘରେ ବସି ରହିବାକୁ ବାଧ୍ୟ ହେଉଛନ୍ତି। ଏନେଇ ରାଜ୍ୟ ସରକାରଙ୍କ ପକ୍ଷରୁ ସେମାନଙ୍କୁ ସହାୟତା ରାଶି ପ୍ରଦାନ କରାଯାଉଛି। ଏହିକ୍ରମରେ ବରଗଡ଼ ଜିଲା ବିଜେପୁର ବିଡିଓଙ୍କ କାର୍ଯ୍ୟାଳୟରେ ଶ୍ରମ ଓ ଗ୍ରାମ ଉନ୍ନୟନ ମନ୍ତ୍ରୀ ସୁଶାନ୍ତ ସିଂ ଶନିବାର ଯୋଗଦେଇ ହିତାଧିକାରୀଙ୍କୁ ଏହି ସହାୟତା ରାଶି ବଣ୍ଟନ କରିଛନ୍ତି। ପ୍ରତି ନିର୍ମାଣ ଶ୍ରମିକଙ୍କୁ ୧୫୦୦ଟଙ୍କା ଲେଖାଏ ପ୍ରଦାନ କରାଯାଉଛି। ସାମାଜିକ ଦୂରତ୍ୱ ରକ୍ଷା ପାଇଁ ପର୍ଯ୍ୟାୟ କ୍ରମେ ଅଳ୍ପ ଅଳ୍ପ ଶ୍ରମିକଙ୍କୁ ଡକାଯାଇ ଏହି ଅର୍ଥରାଶି ଦିଆଯାଉଛି। ଏହି ବ୍ଲକରେ ୮ହଜାର ୮ଶହ ନିର୍ମାଣ ଶ୍ରମିକଙ୍କୁ ଏହି ସହାୟତା ପ୍ରଦାନ କରାଯିବ ବୋଲି ଜଣାପଡିଛି। ବିଡିଓ ପଦ୍ମନାଭ ସାମନ୍ତ ରାୟ, ଇଓ ଡୋଲାମଣି ପ୍ରଧାନ ପ୍ରମୁଖ ଉପସ୍ଥିତରହି ଏହି ସହାୟତା ରାଶି ପ୍ରଦାନରେ ସହଯୋଗ କରିଥିଲେ।
