କରୋନା ସହାୟତା: ମୁଖ୍ୟମନ୍ତ୍ରୀ ରିଲିଫ୍‌ ପାଣ୍ଠିକୁ ୮୯ ହଜାର ଟଙ୍କା ଦାନ
3:41 pmApril 18, 2020 / 43

ସାକ୍ଷୀଗୋପାଳ,୧୮।୪(ଡି.ଏନ୍‌.ଏ): କରୋନା ମୁକାବିଲା ଲାଗି ପୁରୀ ଜିଲା ସତ୍ୟବାଦୀ ବ୍ଲକ ବିଦ୍ୟାଧରପୁର ଗ୍ରାମବାସୀ ରାଜ୍ୟ କରୋନା ସାହାୟତା ପାଣ୍ଠିକୁ ୩୩ ହଜାର ୮୦ ଟଙ୍କା ଦାନ କରିଛନ୍ତି । ଗ୍ରାମବାସୀଙ୍କ ଠାରୁ ସଂଗୃହିତ ଉକ୍ତ ରାଶିକୁ ଓଡିଶା ଗ୍ରାମ୍ୟାବ୍ୟଙ୍କର ସ୍ଥାନୀୟ ସାରଙ୍ଗଯୋଡି ଶାଖାରୁ ମୁଖ୍ୟମନ୍ତ୍ରୀଙ୍କ ରିଲିଫ ଫଣ୍ଡ ବ୍ୟାଙ୍କ ଅକାଉଣ୍ଟ ନଂ. ୩୯୨୩୫୫୦୯୬୭ ଭାରତୀୟ ଷ୍ଟେଟବ୍ୟାଙ୍କ ସଚିବାଳୟ ଶାଖାକୁ ଏନ୍‌ଇଏଫ୍‌ଟି କରାଯାଇଥିବା ଜଣାପଡିଛି । ସେହିପରି କାଦୁଆ ଗ୍ରାମପଞ୍ଚାୟତର ଶୁବାସୀନି ମହାସଂଘ ୧୩ ହଜାର ୫ଶହ, କାଦୁଆ ବିଜେଡି କମିଟି ୨୬ ହଜାର ୮ଶହ ସମେତ ପ୍ରତିଭା ସଞ୍ଚୟ ସମିତି, ତାରେଣୀ ଓ କଲ୍ୟାଣୀ ଏସ୍‌ଏଚଜି ୫ ହଜାର ଟଙ୍କା ଲେଖାଏ ମୁଖ୍ୟମନ୍ତ୍ରୀ ରିଲିଫ୍‌ ପାଣ୍ଠିକୁ ଦାନ କରିଥିବା ବିଧାୟକଙ୍କ ପ୍ରତିନିଧି ସୁନୀଲ କୁମାର ପଣ୍ଡା ସୂଚନା ଦେଇଛନ୍ତି ।