ନୂଆଦିଲ୍ଲୀ,୨୭।୩: ଦେଶ ଏବେ ପ୍ରସ୍ତୁତ କରୋନା ଭାଇରସ ସହ ଲଢିବାକୁ। ସାରା ଦେଶରେ ଏବେ ୨୧ ଦିନ ଲକ୍ ଡାଉନ୍ ଘୋଷଣା କରାଯାଇଥିବା ବେଳେ ସାଧାରଣ ଜନତା ମଧ୍ୟ ଏହାକୁ ନେଇ ବେଶ୍ ସଚେତନ ହୋଇ ଯାଇଥିବା ଦେଖାଯାଇଛି। ମାହାମାରୀ କରୋନା ଭାଇରସ ବା କୋଭିଡ ୧୯ ସହ ଲଢିବାକୁ ଭାରତୀୟ ସେନା ମଧ୍ୟ ପ୍ରସ୍ତୁତ ରହିଥିବା ଶୁକ୍ରବାର ପ୍ରକାଶ କରିଛନ୍ତି ଭାରତୀୟ ସେନାମୁଖ୍ୟ ମନୋଜ ମୁକୁନ୍ଦ ନରାଭଣେ। କରୋନା ମୁକାବିଲା ନେଇ ସେନା ପକ୍ଷରୁ ‘ଅପରେଶନ ନମସ୍ତେ’ କାର୍ଯ୍ୟକ୍ରମ ଆରମ୍ଭ କରାଯାଇଥିବା ସେ ସୂଚନା ଦେଇଛନ୍ତି। ନରାଭଣେ କହିଛନ୍ତି ଅତିତରେ ଯେଉଁସବୁ ଅପରେଶନ କରାଯାଇଛି ତାହା ସଫଳ ହୋଇଥିବା ବେଳେ ‘ଅପରେଶନ ନମସ୍ତେ’ ମଧ୍ୟ ସଫଳ ହେବ।
