ବିନିକା, ୨ା୧୦(ଡି.ଏନ.ଏ.): ସୁବଣ୍ଣର୍ର୍ପୁର ଜିଲା ବିନିକା ବ୍ଲକ ମହାଦେବପାଲି ଗ୍ରାମ ପଞ୍ଚାୟତ ଅନ୍ତର୍ଗତ କର୍ତଙ୍ଗ ଗ୍ରାମକୁ ଲୋକକଳା ଗ୍ରାମ୍ୟ ମାନ୍ୟତା ମିଳିଛି ା ରାଜ୍ୟ ସରକାରଙ୍କ ମଞ୍ଜୁରୀ ପରେ ବୁଧବାର ରାଜ୍ୟ ସରକାରଙ୍କ ଭାଷା ସାହିତ୍ୟ ଓ ସଂସ୍କୃତ ବିଭାଗ ତରଫରୁ ଏନେଇ ସ୍ଥାନୀୟ ଗ୍ରାମର କଳାକାର ମାନଙ୍କୁ ନେଇ ଏକ ସମାରୋହ କର୍ତ୍ତଙ୍ଗରେ ଅନୁଷ୍ଠିତ ହୋଇଥିଲା ା ଜିଲାପାଳ ମୋନୀଷା ବାନାର୍ଜୀଙ୍କ ସଭାପତିତ୍ୱରେ ଅନୁଷ୍ଠିତ ସମାରୋହରେ ମୁଖ୍ୟ ଅତିଥିଭାବେ ଜିଲା ପରିଷଦ ଅଧ୍ୟକ୍ଷା ଉଷା କୁମାରୀ ଯୋଗଦେଇଥିଲେ। ସମ୍ମାନୀତ ଅତିଥିଭାବେ ଅତିରିକ୍ତ ଜିଲାପାଳ ଶରତ ଚନ୍ଦ୍ର ପଣ୍ଡା, ବିନିକା ବ୍ଲକ ଅଧ୍ୟକ୍ଷ ଅଶୋକ ନନ୍ଦ, ତହସିଲଦାର ଅଲେଖ ଘୁଟା, ବିଡିଓ ବିଶ୍ୱରଞ୍ଜନ ମଲ୍ଲିକ, ଜିଲା ପରିଷଦ ସଭ୍ୟା ରୋହିଣୀ ଡାଙ୍ଗ, ସୁଶାନ୍ତ ପଣ୍ଡା, ମହାଦେବପାଲି ସରପଞ୍ଚ ଦଶମୁ ମାଝୀ ପ୍ରମୁଖ ଉପସ୍ଥିତ ଥିଲେ ା ଜିଲାପାଳ ପ୍ରାଚୀନ ଲୋକକଳା ଉପରେ ଅଭିଭାଷଣ ରଖି କର୍ତଙ୍ଗକୁ ଲୋକକଳା ଗ୍ରାମ ଘୋଷଣା କରିବା ସହିତ ମାନ୍ୟତା ପାଇଥିବା ପ୍ରାମାଣିକ ପତ୍ର ପ୍ରଦାନ କରିଥିଲେ ା ପରେ କର୍ତଙ୍ଗ ଗ୍ରାମର କଳାକାରଙ୍କ ଦ୍ୱାରା କରମା, ସଂକୀର୍ତ୍ତନ, କୃଷ୍ନଲୀଳା, ଭାଗବତ ଟୁଙ୍ଗୀ, ଦଣ୍ଡ ଏବଂ ବାଡିଖେଳ ପ୍ରଭୃତି ପ୍ରାଚୀନ ଲୋକକଳା ପ୍ରଦର୍ଶିତ ହୋଇଥିଲା ା କାର୍ଯ୍ୟକ୍ରମ ସଂଯୋଜନା କରିଥିଲେ କଣ୍ଠଶିଳ୍ପୀ ଶାଶ୍ୱତ ତ୍ରିପାଠୀ ା
