ନୂଆଦିଲ୍ଲୀ,୩।୭: ରାଷ୍ଟ୍ରାୟତ୍ତ ଇଣ୍ଡିଆନ ଓଭରସିଜ ବ୍ୟାଙ୍କ(ଆଇଓବି)ର ଏମ୍ଡି ତଥା ସିଇଓ ଭାବେ କର୍ନମ ସେକରଙ୍କୁ ନିଯୁକ୍ତ କରାଯାଇଛି। ଆର୍ .ସୁବ୍ରମଣିୟକୁମାରଙ୍କ ସ୍ଥାନରେ ସେ କାର୍ଯ୍ୟ କରିବେ। ନୂଆ ଦାୟିତ୍ୱରେ କାର୍ଯ୍ୟ କରିବା ପୂର୍ବରୁ ସେ ଚଳିତ ବର୍ଷ ଏପ୍ରିଲରେ ଆଇଓବିର ମୂଖ୍ୟ କାର୍ଯ୍ୟାଳୟରେ ସ୍ପେଶାଲ ଡ୍ୟୁଟି ଏବଂ ପୂର୍ଣ୍ଣକାଳୀନ ନିର୍ଦ୍ଦେଶକ ଭାବେ ଅବସ୍ଥାପିତ ହୋଇଥିଲେ। ସେକର ଷ୍ଟେଟ ବ୍ୟାଙ୍କ ଅଫ୍ ଇଣ୍ଡିଆରେ ପ୍ରୋବେସନାରୀ ଅଧିକାରୀ ଭାବେ ବ୍ୟାଙ୍କିଙ୍ଗ କ୍ୟାରିୟର ଆରମ୍ଭ କରିଥିଲେ। ସେହିଭଳି ଦେନା ବ୍ୟାଙ୍କର ଏମ୍ଡି ଏବଂ ସିଇଓ ଭାବେ ସେ କାର୍ଯ୍ୟ କରିଛନ୍ତି। ଏହାବାଦ ଏସ୍ବିଆଇରେ ମୁଖ୍ୟ କ୍ରେଡିଟ ଅଫିସର, ଉପପରିଚାଳନା ନିର୍ଦ୍ଦେଶକ ଏବଂ ଦକ୍ଷିଣ ଆଫ୍ରିକାର ଜୋହାନ୍ସବର୍ଗଠାରେ ଏସ୍ବିଆଇର ଟ୍ରେଜରୀ ପ୍ରବନ୍ଧକ ଭାବେ ମଧ୍ୟ ସେ କାର୍ଯ୍ୟ ଅଭିଜ୍ଞତା ହାସଲ କରିଛନ୍ତି।