ବେଙ୍ଗାଲୁରୁ,୨୩।୭: କର୍ନାଟକ ରାଜନୀତି ଦିନକୁ ଦିନ ନୂଆ ମୋଡ ନେଉଛି। ମୁଖ୍ୟମନ୍ତ୍ରୀ ଏଚଡି କୁମାରସ୍ବାମୀଙ୍କ ମେଣ୍ଟ ସରକାରର ଆସ୍ଥା ଭୋଟକୁ ନେଇ ଚାଲିଛି ନାଟକ। ସୋମବାର ଏହି ଆସ୍ଥା ଭୋଟ ହେବ ବୋଲି ଆଶା କରାଯାଉଥିବା ବେଳେ ଏହା କିନ୍ତୁ ଛିଡି ପାରି ନ ଥିଲା। ମଙ୍ଗଳବାର ପର୍ଯ୍ୟନ୍ତ ଗୃହକୁ ମୁଲତିବି ରଖାଯାଇଥିଲା। ଏହାପରେ ବାଚସ୍ପତି ମଙ୍ଗଳବାର ସନ୍ଧ୍ୟା ୬ଟା ସୁଦ୍ଧା ଆସ୍ଥା ଭୋଟ ସାରିବାକୁ ନିର୍ଦ୍ଦେଶ ଦେଇଛନ୍ତି। ଏପଟେ ସୋମବାର ବିଦ୍ରୋହୀ ୧୩ ବିଧାୟକ ବାଚସ୍ପତି କେଆର୍ ରମେଶ କୁମାରଙ୍କୁ ଏବେ ଚିଠି ଲେଖି ତାଙ୍କୁ ଆଉ ୪ ସପ୍ତାହ ସମୟ ଦିଆଯାଉ ବୋଲି କହିଛନ୍ତି। ସୂଚନାଯୋଗ୍ୟ, ସୋମବାର ରାତି ୧୧ଟା ୪୫ ପର୍ଯ୍ୟନ୍ତ ଭାଜପା ଆସ୍ଥା ଭୋଟକୁ ନେଇ ଅଡି ବସିଥିବା ବେଳେ ଗୃହକୁ ମଙ୍ଗଳବାର ପର୍ଯ୍ୟନ୍ତ ମୁଲତବି କରାଯିବା ପରେ ପୁଣି ଥରେ ମଙ୍ଗଳବାର ବିଦ୍ରୋହୀ ବିଧାୟକ ମାନେ ଡ୍ରାମା ଆରମ୍ଭ କରି ଦେଇଛନ୍ତି।