ବେଙ୍ଗାଲୁରୁ,୨୦।୮: କର୍ନାଟକ ମୁଖ୍ୟମନ୍ତ୍ରୀ ବି.ଏସ୍. ୟେଦୁରପ୍ପାଙ୍କ ମନ୍ତ୍ରିମଣ୍ଡଳର ସମ୍ପ୍ରସାରଣ ମଙ୍ଗଳବାର କରାଯାଇଛି। ଏଥିରେ ୧୭ ଜଣ ମନ୍ତ୍ରୀଭାବେ ଶପଥ ଗ୍ରହଣ କରିଛନ୍ତି। ଜୁଲାଇ ୨୬ ତାରିଖରେ ମୁଖ୍ୟମନ୍ତ୍ରୀ ଭାବେ ଶପଥ ନେଇଥିବା ୟେଦୁରପ୍ପା ପ୍ରାୟ ୨୪ ଦିନ ପରେ ମନ୍ତ୍ରିମଣ୍ଡଳର ସମ୍ପ୍ରସାରଣ କରିଛନ୍ତି। ତେବେ ବିଳମ୍ବରେ ଏହା କରାଯାଇଥିବାରୁ ଏହାକୁ ବିରୋଧି ସମାଲୋଚନା କରିଥିଲା। ରାଜଭବନରେ ରାଜ୍ୟପାଳ ବାଜୁଭାଇ ବାଲାଙ୍କ ଉପସ୍ଥିତିରେ ସମସ୍ତ ୧୭ ଜଣ ସଦସ୍ୟ ମନ୍ତ୍ରୀ ପଦର ଶପଥ ନେଇଛନ୍ତି। ଏବେ ମୁଖ୍ୟମନ୍ତ୍ରୀଙ୍କୁ ନେଇ କର୍ନାଟକ ମନ୍ତ୍ରୀ ମଣ୍ଡଳରେ ୩୪ ଜଣ ସଦସ୍ୟ ହୋଇଥିବା ବେଳ ୨୪ ଦିନ ଧରି କେବଳ ମୁଖ୍ୟମନ୍ତ୍ରୀ ୟେଦୁରପ୍ପାଙ୍କୁ ନେଇ ‘ଓ୍ବାନ୍ ମ୍ୟାନ୍ କ୍ୟାବିନେଟ’ କାମ କରୁଥିଲା। ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ସ୍ବରାଷ୍ଟ୍ରମନ୍ତ୍ରୀ ତଥା ଭାଜପା ଅଧ୍ୟକ୍ଷ ଅମିତ ଶାହଙ୍କ ଗ୍ରୀନ୍ ସିଗନାଲ ମିଳିବା ପରେ ୟେଦୁରପ୍ପାଙ୍କ କ୍ୟାବିନେଟର ସମ୍ପ୍ରସାରଣ କରାଗଲା।
